मुंबई - जेवणाच्या पार्सलवरून झालेल्या वादातून चेंबूरमध्ये एका 22 वर्षीय तरुणाची हत्या झाल्याची धक्कादायक घटना उघडकीस आली आहे. 22 वर्षीय अनिल रणदिवे नामक मृत तरुण चेंबूरमधील सम्राट अशोक नगरचा रहिवासी होता.
याप्रकरणी चेंबूर पोलिसांनी रितीक बजाज व हर्षद क्लोड्रा या दोन आरोपींना अटक केली असून त्यांच्याविरोधात हत्येचा गुन्हा दाखल करण्यात आला आहे. सुनील रणदिवे याचा सजावटी वस्तूंच्या विक्रीचा व्यवसाय आहे
मिळालेल्या माहितीनुसार पिडीत अनिल रणदिवे चेंबूर परिसरातील सन्निधी रेस्टॉरंटमध्ये जेवणाचे पार्सल आणण्यासाठी गेला होता. त्यावेळी तेथे आरोपी रितीक बजाज व हर्षद क्लोड्रा हेही उपस्थित होते. जेवणाचे पार्सल पहिला कोण घेणार या वादातून दोन्ही आरोपींनी अनिलला मारहाण करण्यास सुरुवात केली.
आरोपींनी केलेल्या मारहाणीत अनिलच्या तोंडावर, डोक्यावर व छातींवर गंभीर दुखापत झाली. मारहाणीमुळे अनिल बेशुद्ध होऊन जमिनीवर कोसळला. अनिलला तत्काळ शताब्दी रुग्णालयात दाखल केले असता तपासणीनंतर डॉक्टरांनी त्याला मृत घोषित केले. चेंबूर पोलिसांनी याप्रकरणी तत्काळ गुन्हा दाखल करून दोन्ही आरोपींना अटक केली.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.