मालाडमध्ये केकमधून ड्रग्सची विक्री; कॉलेजचा विद्यार्थी अटक

मुंबई: सुशांत मृत्यू प्रकरणानंतर मुंबईत नार्कोटिक्स कंट्रोल ब्युरोकडून अनेक ठिकाणी छापे मारले जात आहेत. काही दिवसांपूर्वी NCB ने मालाडच्या एका बेकरीवर छापा टाकून ड्रग्स तस्करीचा पर्दाफाश केला होती. त्यावेळी तीन तस्करांना अटक करण्यात आली होती. याच प्रकरणात आता आणखी एकाला अटक करण्यात आली आहे. सूत्रांच्या माहितीनुसार, शनिवारी या व्यक्तिला अटक करण्यात आली असून तो एका कॉलेजमधील विद्यार्थी असल्याची माहिती मिळाली आहे. तसेच, त्या व्यक्तिकडून LSD नावाचे ड्रग्स NCBने ताब्यात घेतले आहेत. (One more held in Mumbai marijuana cake making bakery case informs NCB)

NCB ने 12 जूनला बेकरीत टाकलेल्या छाप्यात एका महिलेसह दोन जणांना अटक केली होती. मुंबई NCB ने दिलेल्या माहितीनुसार, केक तयार करताना त्यात अंमली पदार्थाचा (Weed) वापर करण्यात येत असल्याचे हे देशातील पहिलेच प्रकरण आहे. 830 ग्रॅम Edible Weed Brownie आणि 160 ग्रॅम गांजाचा साठा जप्त करण्यात आला आहे. केकच्या आणि पेस्ट्रीजच्या माध्यमातून नवीन तरुण पिढी अमली पदार्थांचं सेवन करत असल्याचं उघड झालंय. हे धक्कादायक असल्याचे NCBचं म्हणणं आहे.

देशात असं प्रकरण पहिल्यांदाच समोर आलंय, ज्यामध्ये बेकींग केकच्या निर्मितीत अंमली पदार्थांचा वापर केला जात आहे, अशी माहिती मुंबई NCB दिली आहे. दरम्यान, एका 35 वर्षाच्या रिक्षा चालकाला NCB च्या पथकाने जोगेश्वरीतून शनिवारी अटक केली. त्याच्याकडून 3 लाखांचा कोकेनचा साठा NCB ने जप्त केला. रिक्षाचालक मुंबईच्या उच्चभ्रू ठिकाणी अंमली पदार्थांचा सप्लाय करायचा. या प्रकरणातील पुढील तपास सुरु असल्याचं NCB कडून सांगण्यात आलं आहे.