Onion News: मुंबई कृषी उत्पन्न बाजार समिती (एपीएमसी) मार्केटमध्ये पन्नाशी पार केलेला कांदा आता चाळिशीच्या घरात आला आहे. त्यामुळे ग्राहकांना जरी थोडाफार दिलासा मिळाला असला, तरी यंदा राज्यातील दुष्काळसदृश परिस्थिती पाहता काद्यांची लागवड कमी होण्याची शक्यता असल्याने वेळप्रसंगी आयात करण्याची भीती एपीएमसी कांदा-बटाटा मार्केटमधील व्यापाऱ्यांनी वर्तवली आहे.
राज्यात सध्या नवीन कांद्याचे उत्पादन घटले आहे. त्यामुळे बाजारात सध्या साठवणुकीतील जुना कांदा मोठ्या प्रमाणावर दाखल होत आहे. आठवडाभरापासून एपीएमसीच्या कांदा-बटाटा मार्केटमध्ये जुन्या आणि नवीन अशा दोन्ही कांद्याला चांगला भाव मिळाल्याने घाऊक बाजारात कांद्याने पन्नाशी पार केली होती.
तर किरकोळ बाजारात कांदा ७० रुपये प्रतिकिलो दराने विकला जात होता; मात्र वाशीच्या एपीएमसी मार्केटमध्ये दाखल होणारा जुना कांदा सुमार दर्जाचा असल्याने या कांद्याला अधिक उठाव नसल्याने दरात घसरण झाली आहे.
राज्यात दुष्काळसदृश परिस्थिती असल्याने कांद्यासह नवीन शेतमालाच्या लागवडीला पाण्याअभावी अडचणी येणार आहेत. परिणामी, उत्पादन घटणार असल्याने एपीएमसी कांदा-बटाटा बाजारात कांद्याची टंचाई निर्माण होऊन परदेशातून कांदा आयात करण्याची वेळ येऊ शकते.
- मनोहर तोतलानी, व्यापारी, कांदा-बटाटा बाजार
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
