श्रीवर्धन : एकट्याच राहणाऱ्या वयस्कर महिलेला बांधून चोरी करण्याचा प्रयत्न केल्याची घटना 29 एप्रिल रोजी श्रीवर्धनमध्ये घडली. या वेळी चोरट्यांनी केवळ प्रवासाची बॅग घेऊन पळ काढला.
इब्राहिम फकी यांच्या घरी ही महिला राहण्यास आहे. 29 एप्रिलला रात्री 8.30 वाजता चोरट्यांनी घराचे दार उघडे पाहून प्रवेश केला. त्यानंतर महिलेला बांधून तिच्या तोंडात कापडाचा बोळा भरला आणि पैशांची मागणी केली. महिलेने हातातील सोन्याच्या बांगड्या काढून घ्यायला सांगितले; परंतु चोरट्यांनी त्या घेण्यास नकार दिला. त्यानंतर घरातली कपाटे, बॅगा व विविध ठिकाणी कुठे पैसे आहेत का? हे पाहण्याचा प्रयत्न केला; परंतु त्यांना कोठेही पैसे आढळून आले नाहीत. त्यामुळे त्यांनी एक प्रवासी बॅग घेऊन तेथून पोबारा केला.
याप्रकरणी श्रीवर्धन पोलिसांनी गुन्हा दाखल केला आहे. अधिक तपास पोलिस निरीक्षक प्रमोद बाबर यांच्या मार्गदर्शनाखाली पोलिस उपनिरीक्षक खिरड, पोलिस हवालदार तुकाराम महाडिक, पोलिस नाईक जयेंद्र पेडवी करत आहेत.
Only passenger bags carried by thieves, read detail story
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.