पालघर : जिल्हा परिषद पोटनिवडणूक भारतीय जनता पक्षाच्या ज्योती प्रशांत पाटील विजयी

बोर्डी दिनांक 6 ऑक्टोंबर अच्युत पाटील बोर्डी पालघर जिल्हा परिषद पोटनिवडणूक बोर्डी गट क्रमांक 6 मध्ये भारतीय जनता पक्षाच्या ज्योती प्रशांत पाटील  (भाजप)  5283 मते मिळवून  विजयी झाल्या आहेत.

तर प्रतिस्पर्धी उमेदवार उन्नती सतेज राऊत (राष्ट्रवादी) यांचा 416 मतांनी पराभव केला आहे राष्ट्रवादीच्या उन्नती राऊत यांना 4867 मते मिळाली आहेत तर बहुजन विकास आघाडी च्या निवेदिता श्याम बारी (बवीआ) 999 मिळाली आहेत 423  मतदारांनी नोटाचा हक्क बजावला आहे ज्योती प्रशांत पाटील यापूर्वी झालेल्या जिल्हा परिषद निवडणुकीच्या विजयी उमेदवार होत्या परंतु न्यायालयाच्या आदेशानंतर त्यांचे सदस्यत्व रद्द झाले होते पोटनिवडणुकीत त्यांनी पुन्हा आपले वर्चस्व सिद्ध केले आहे.

तर राष्ट्रवादी काँग्रेस पक्षाने भाजपच्या उमेदवाराला टक्कर देण्यासाठी  तुल्यबळ उमेदवार देण्याच्या उद्देशाने मागच्या जिल्हा परिषद निवडणुकीत पराभूत झालेल्या रूपाली सावे यांना उमेदवारी नाकारून उन्नती राऊत यांना प्रथमच उमेदवारी दिली होती निवडणूक जाहीर झाल्यानंतर गावात तसेच मतदारसंघांमध्ये राजकारण ढवळून निघाले होते अनेक भाजप समर्थक राष्ट्रवादी काँग्रेस पक्षाकडे आल्यामुळे निवडणुकीचा निकाल काय लागतो याकडे सर्वांचेच लक्ष लागून राहिले होते मागच्या निवडणुकीत या मतदारसंघात 60 टक्के मतदान झाले होते भाजपच्या उमेदवार ज्योती पाटील यांनी एक हजार 700 मताधिक्य घेऊन विजय मिळविला होता पोटनिवडणुकीत 54 टक्के मतदान झाले असून 416 मताधिक्य घेऊन भाजपच्या उमेदवार विजय झाल्या आहेत.