मुंबई - वादग्रस्त पोलिस अधिकारी आणि मुंबईचे माजी पोलिस आयुक्त परमबीर सिंह यांनी आज मुख्यमंत्री एकनाथ शिंदे यांची मुंबईतील त्यांच्या निवास्थानी भेट घेतल्याचं वृत्त आहे.. दोघांमध्ये अर्ध्या तासाहून अधिक वेळ चर्चा झाल्याचं वृत्त एका वृत्त वाहिनीने दिले आहे. (Parambeer Singh news in Marathi)
परमबीर सिंह यांनी आधीच्या सरकारमधील गृहमंत्री अनिल देशमुख यांच्यावर १०० कोटी रुपये कलेक्शनचे आरोप केले होते. त्यामुळे देशमुख यांना गृहमंत्रीपदाचा राजीनामा द्यावा लागला होता. आता परमबीर सिंह यांनी मुख्यमंत्र्यांची भेट घेतल्याने त्यांचं पुन्हा पोलीस दलात पुनरागमन होतं का, हे पाहावं लागणार आहे.
याआधी पुण्याच्या माजी पोलिस आयुक्त रश्मी शुक्ला यांच्यावर फोन टॅपिंग प्रकरणी अनेक आरोप झाले होते. मात्र त्यांना आता क्लीनचीट मिळाली आहे. त्यामुळे परमबीर सिंह यांनाही क्लिनचीट मिळते का हे पाहणे औत्सुक्याचं ठरणार आहे. मध्यंतरी परबीर सिंह यांच्यावरही अटकेची तलवार होती. मात्र त्यांना न्यायालयाने दिलासा दिला होता.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
