सबस्क्राईब करा
अटल सेतूवर पुन्हा एकदा आत्महत्येची घटना समोर आली आहे. सोमवारी एका ४० वर्षीय व्यक्तीने अटल सेतूवरून उडी मारून आत्महत्या केली. तरुणाने अटल सेतूवर आत्महत्या केल्याची माहिती शिवडी पोलिसांना मिळताच त्यांनी तत्काळ घटनास्थळ गाठले. सध्या समुद्रात उडी मारून आत्महत्या केलेल्या व्यक्तीचा शोध सुरू आहे. या वर्षातील अटल सेतूमधून आत्महत्येची ही चौथी घटना आहे.
मिळालेल्या माहितीनुसार, सोमवारी सकाळी शिवडी पोलीस ठाण्याच्या हद्दीतील अटल सेतू येथून एका व्यक्तीने उडी मारल्याची माहिती पोलिसांना मिळाली. या व्यक्तीने आपली लाल ब्रेझा कार अटल सेतू येथे थांबवली आणि नंतर समुद्रात उडी मारून आत्महत्या केली. घटनेची माहिती मिळताच पोलीस घटनास्थळी दाखल झाले. यानंतर पोलिसांनी अटल सेतूचे सीसीटीव्ही फुटेज तपासले असता ही घटना सकाळी ९.५७ वाजता घडल्याचे दिसून आले.
पोलीस घटनास्थळी पोहोचले तेव्हा आत्महत्या केलेल्या व्यक्तीची लाल रंगाची कार तिथे उभी होती. ही कार सुशांत चक्रवर्तीची असल्याची प्राथमिक माहिती मिळाली आहे. आता संबंधित व्यक्तीच्या कुटुंबीयांचा शोध घेतला जात असून पोलीस त्यांना घटनेची माहिती देण्याचा प्रयत्न करत आहेत. मुंबई आणि नवी मुंबईला जोडणाऱ्या या अटल सेतूवरून प्रवास करताना सागरी सेतूचे दृश्य प्रवाशांचे लक्ष वेधून घेते. पण आता हाच अटल सेट एका वेगळ्या कारणाने चर्चेत आहे.
या वर्षातील अटल सेतू येथून आत्महत्येची ही चौथी घटना आहे. मार्चमध्ये 43 वर्षीय महिला डॉक्टर किंजल शहा यांनी अटल सेतूवरून उडी मारून आत्महत्या केली होती. बराच शोध घेऊनही महिलेचा मृतदेह सापडला नाही. त्यानंतर जुलै महिन्यात करुतुरी श्रीनिवासने अटल सेतूवरून उडी मारून आत्महत्या केली. नंतर ऑगस्टमध्ये, मुलुंडमधील एका 57 वर्षीय महिलेने कॅब ड्रायव्हरला कार थांबवण्यास सांगितले आणि अटल सेतूवरून उडी मारली, परंतु कॅब चालकाच्या सतर्कतेमुळे तिचे प्राण वाचले. आता पुन्हा 30 सप्टेंबर रोजी एका तरुणाने अटल पुलावरून उडी मारून आत्महत्या केली.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
