मुंबई - मुंबईतील दादरमधील डॉक्टर बाबासाहेब आंबेडकर यांचं निवासस्थान असलेल्या 'राजगृह'वर अगदी काहीच दिवसांपूर्वी भ्याड हल्ला झाला. यामध्ये एका इसमाने डॉक्टर बाबासाहेब आंबेडकर यांच्या घराच्या खिडक्यांची आणि घराच्या परिसरातील कुंड्यांची मोठया प्रमाणात तोडफोड केली होती. या भ्याड हल्ल्यानंतर महाराष्ट्र शासनाने डॉक्टर बाबासाहेब आंबेडकर यांच्या 'राजगृह' भोवती २४ तास पोलिसांचा बंदोबस्त तैनात केलाय.
याप्रकरणी सुरवातीपासून आरोपीबाबत CCTV च्याही माध्यमातून तपास सुरु आहे. या वव्यक्तीने केलेली तोडफोड CCTV मध्ये कैद झालीये. अशातच आता मुंबई पोलिसांनाया प्रकारांतील मुख्य आरोपीबाबत आणखी एक धक्कादायक माहिती समाजलीये. सदर मुख्य आरोपी अजूनही मोकाट आहे, मात्र पोलसांना हा आरोपी दादर ते ठाणे चालत गेल्याची माहिती मिळालीये.
पोलिसांना काय आढळून आलं ?
पोलसांच्या तपासात ही धक्कादायक बाब उघड झालीये. राजगृहावर हल्ला करणारा आरोपी हा दादरवरून थेट चालत ठाण्यात आल्याचं समजतंय. ठाण्यातील तीन हात नाका या चौकातील CCTV कॅमेऱ्यांमध्ये ही व्याक्ती पुन्हा एकदा कैद झालीये. ठाण्याच्या तीन हात नाका चौकातून हा आरोपी पुढे भिवंडीच्या दिशेने गल्ल्याचंही समजतंय. सदर आरोपी अजूनही पोलिसांच्या ताब्यात जरी नसला तरीही लवकरात लवकर त्याला बेडया ठोकल्या जातील असा विश्वास पोलिसांना आहे.
मुख्य आरोपी अद्याप मोकाट :
डॉक्टर बाबासाहेब आंबेडकर यांनी त्यांच्या पुस्तकांसाठी खास 'राजगृह' हे घर बांधलं. या निवासस्थानात डॉक्टर बाबासाहेब आंबेडकर यांचे अनुयायी दररोज येत असतात. याच घरावर ७ जुलै रोजी भ्याड हल्ला झाला होता. काही तरुणांनी या निवासस्थानाच्या काचा फोडल्या होत्या सोबतच परिसरातील कुंड्यांची देखील मोठ्या प्रमाणात तोडफोड केली होती.
याप्रकरणी पोलिसांना तपासादरम्यान दोघांनी हल्ला केल्याचं निष्पन्न झालंय. या पार्श्वभूमीवर कारवाई करत पोलिसांनी ९ जुलै रोजी एकाला ताब्यातही घेतलंय. अटक करण्यात आलेल्या व्यक्तीचं नाव उमेश जाधव असं आहे, तो ३५ वर्षांचा आहे. हा आरोपी बिगारी म्हणून काम करतो. मात्र नोंदवलेल्या जबाबानंतर मुख्य आरोपी अजूनही मोकाट असल्याचं समजतंय. हे कृत्य का केलं याबाबत अजून कोणतीही माहिती बाहेर आलेली नाही.
police investigation reviles important information about man who vandalized rajagruha at dadar
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.