नवी मुंबई, ता. ३० (वार्ताहर) : राज्याच्या पोलिस महासंचालकांनी मुंबई शहर, नवी मुंबई, मिरा-भाईंदर व वसई- विरार या चार पोलिस आयुक्तालयांतील २६३ पोलिस निरीक्षकांच्या बदल्या केल्या आहेत. नवी मुंबईतील २१ पोलिस निरीक्षकांची मुंबई शहरात तर एका पोलिस निरीक्षकाची अकोला येथील पोलिस प्रशिक्षण केंद्रात बदली करण्यात आली आहे.
त्याचप्रमाणे मुंबई शहरातील २२ पोलिस निरीक्षकांची नवी मुंबई पोलिस दलात बदली करण्यात आली आहे. बदली करण्यात आलेल्या पोलिस निरीक्षकांनी त्यांची बदली करण्यात आलेल्या पदस्थापनेच्या ठिकाणी त्वरित हजर होऊन कार्यभार स्विकारण्याचे आदेश देण्यात आले आहेत.
