मुंबई: रायगड जिल्ह्यात शून्य ते पाच वर्षातील 32 हजार बालकांना रविवारी पोलिओ डास पाजण्यात आले. पालकमंत्री आदिती तटकरे यांच्या उपस्थितीत माणगाव येथील ग्रामीण रुग्णालय येथे पल्स पोलिओ मोहिमेला सुरुवात करण्यात आली.
रायगड जिल्ह्यात पल्स पोलिओ लसीकरणासाठी 197 पोलिओ बुथवर तयारी करण्यात आली होती. प्रत्येक बुथवर आरोग्य कर्मचारी, आशा स्वयंसेविका, शिक्षक, तसेच स्वयंसेवी संस्थांची मदत घेण्यात आली होती, अशी माहिती जिल्हा आरोग्य अधिकारी डॉ. सुधाकर मोरे यांनी दिली. लसीकरणापासून एकही बालक वंचित राहू नये यासाठी एसटी बसस्थानके, बाजारपेठा, यात्रा, खासगी दवाखाने येथे बुथ ट्रान्झिट टीम आणि मोबाईल टीमद्वारे लसीकरण करण्यात आले. यासाठी कर्मचाऱ्यांना विशेष प्रशिक्षण देण्यात आले होते.
माणगाव येथील लसीकरण कार्यक्रमासाठी पालकमंत्री आदिती तटकरे, यांच्यासह माणगाव नगरपंचायतीच्या नगराध्यक्षा योगिता चव्हाण, नगरसेवक रत्नाकर उभारे, संदीप खरंगटे, नितीन वाढवळ, प्रांताधिकारी प्रशाली दिघावकर, जिल्हा शल्य चिकित्सक डॉ.सुहास माने तसेच आरोग्य विभागाचे इतर अधिकारी- कर्मचारी उपस्थित होते.
हेही वाचा- Corona Vaccination: आरोग्य कर्मचार्यांनंतर फ्रंटलाईन कामगारांना फेब्रुवारीपासून लसीकरण
राष्ट्रीय पोलिओ लसीकरण मोहीमेंतर्गत आपल्या घरातील 0 ते 5 वयोगटापर्यंतच्या मुलांना ही लस द्यायला विसरू नका. तसेच कोरोनाविषयक सर्व नियमांचे पालन करून ही लसीकरण मोहीम आपण सर्वांनी यशस्वी करू या,असे आवाहन उपस्थितांना पालकमंत्री आदिती तटकरे यांनी यावेळी केले.
-----------------------------
(संपादन- पूजा विचारे)
Polio vaccine given 32 thousand children Raigad district Aditi Tatkare
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.