मोठा व्यवहार - मलबार हिलमध्ये एक हजार कोटी मोजून विकत घेतलं घर

मुंबई : डी मार्टचे संस्थापक राधाकृष्ण दमानी यांनी मलबार हिल भागात रेकॉर्ड ब्रेक किंमतीत घर खरेदी केले आहे. त्यांनी या भागात 5752.22 चौरस फूट घरासाठी तब्बल एक हजार कोटी रुपये मोजले आहेत. मुंबईतील मालमत्ता क्षेत्रातील ही महागडी डील मानली जात आहे. यापुर्वी पुनावाला ग्रूपचे संचालक सायरस पुनावाला यांनी लिंकन हाऊस 750 कोटी रुपयाला खरेदी केले होते.

मुंबईमधील मलबार हिलमध्ये मालमत्तेचे दर सर्वाधिक आहेत. बाजारभावानुसार या घराची किंमत 724 कोटी रुपये एवढी होती. राधाकृष्ण दमानी आणि त्यांचे भाऊ गोपीकिशन यांनी हे घर पुरचंद रॉयचंद आणि सन्स यांच्याकडून खरेदी केले आहे. यासाठी मुद्रांक शुल्कापोटी दमानी यांनी 30 रोटी रुपये मोजले आहेत. 31 मार्चला हा व्यवहार झाला.

धोका वाढतोय! मुंबईत आतापर्यंतची एका दिवसातील सर्वाधिक वाढ

कधी काळी एक रुममध्ये राहणाऱ्या दमानी यांनी व्यवसायात मोठी प्रगती केली. सध्या ते एव्हीन्यू सुपरमार्ट लिमीटेड कंपनीचे संचालक आहेत.  डी मार्टचे या लोकप्रिय मॉलचे संचलन या कंपनीमार्फत होते. फोर्बच्या यादीनुसार दमानी हे भारतातील चौथै श्रीमंत व्यक्ती आहेत. त्यांची एकुण संपत्ती 15.4 अब्ज डॉलर एवढी आहे.

'उद्धव ठाकरे होणं अवघड', जितेंद्र आव्हाडांनी केला सलाम

कोरोना संसर्गाच्या फटक्याने मालमत्ता क्षेत्राला मोठा फटका बसला होता. मात्र ऑक्टोंबरपासून मालमत्ता क्षेत्र नुसतेच सावरले नाही तर घर खरेदीत मोठ्या प्रमाणात वाढ  नोंदवली गेली. राज्य सरकारने मुद्रांक शुल्कात दिलेली सवलतीचा मोठा परिणाम झाला. गेल्या वर्षी मुंबईने महिन्याकाठी घर खरेदीमध्ये 112 टक्के वाढ नोंदवली गेली.

कुठे आहे बंगला 
नारायण दाभोळकर मार्गावर हा दोन मजली बंगला असून, 1.5 एकर जमीनीवर ही मालमत्ता पसरली आहे.  एकूण बांधकाम क्षेत्रफळ 60 हजार चौरस फूट आहे. रेडी रेकनरच्या दरानुसार या मालमत्तेची किंमत 724 कोटी रुपये एवढी आहे.