पाली : पाली-खोपोली राज्य महामार्गावर चिवे गावाजवळ लेक सिटी व म्युजिक सिटीच्या समोर गुरुवारी (ता. २९) दुचाकीचा अपघात झाला. या अपघातात दुचाकीस्वाराचा मृत्यू झाला; तर मागे बसलेली महिला गंभीर जखमी झाली आहे.
पाली-खोपोली रस्त्याच्या दुरवस्थेमुळे हा अपघात झाल्याचा आरोप मनसे रायगड जिल्हा सचिव लता कळंबे यांनी केला असून यासाठी एमएसआरडीसीच्या अधिकाऱ्यांवर सदोष मनुष्यवधाचा गुन्हा दाखल करण्याची मागणी केली आहे. लता कळंबे यांनी या मागणीचे निवेदन तहसीलदार उत्तम कुंभार व पाली पोलिस ठाण्यात मनसे पदाधिकारी व कायकर्त्यांसमवेत दिले.
रस्त्याच्या या सखल भागात मोठ्या प्रमाणात पाणी साठते. त्यामुळे येथून दुचाकी गेल्यास दुचाकीस्वाराचा तोल जातो किंवा दुचाकी घसरते. तसेच चारचाकी वाहने गेल्यास वेगाने पाणी दोन्ही बाजूला उडते. अशा वेळी दुचाकी गेल्यास त्याच्यावर वेगाने पाणी उडते. त्‍या वेळी समोरचे काही दिसत नाही.
काचेवर पाणी उडल्याने चारचाकी वाहनचालक भांबावतो; तर दुचाकीस्वाराचा तोल जाऊन अपघात होतो. हा मार्ग अनेक ठिकाणी उंच-सखल आहे. परिणामी पाणी साठून अपघात घडत आहेत. त्यामुळे या महामार्गाची दूरवस्‍था झाली असल्‍याचे लता कळंबे यांनी सांगितले.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.