श्रीवर्धन - तालुक्यात दिघी ग्रामपंचायतीमध्ये १४ व्या वित्त आयोगाच्या तब्बल ३ लाख ६८ हजार १२२ रुपये निधी गैरव्यवहारप्रकरणी तत्कालीन सरपंच व ग्रामसेवकाविरोधात गुन्हा दाखल करण्यात आला आहे. हे प्रकरण उघड झाल्यानंतर तालुक्यात खळबळ उडाली आहे.
श्रीवर्धन पंचायत समितीचे गटविकास अधिकारी गजानन लेंडी यांनी चौकशीअंती दिघी सागरी पोलिस ठाण्यात या कथित गैरव्यवहारप्रकरणी बुधवारी (ता. १२) तक्रार दाखल केली होती. याप्रकरणी संशयित आरोपी तत्कालीन दिघी ग्रामपंचायत सरपंच सुमती चिकाटी व ग्रामसेवक डी. एच. गमरे या दोघांविरोधात गुन्हा दाखल केला आहे.
या दोघांनीही एकमेकांच्या संगनमताने १४ व्या वित्त आयोगाची मंजूर रक्कम व ग्रामनिधी असे मिळून ३ लाख ६८ हजार १२२ रुपयांचा चुकीच्या पद्धतीने खर्च करून अपहार केला. त्यामुळे हा गुन्हा दाखल करण्यात आला आहे. या प्रकरणाचा अधिक तपास दिघी सागरी पोलिस ठाण्याचे सहायक निरीक्षक डॉ. प्रसाद ढेबे करत आहेत.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
