रेवदंडा - कोकणाच्या संस्‍कृतीत गणेशोत्सवाला अनन्य साधारण महत्त्व आहे. दीड दिवसांपासून ते दहा दिवसांपर्यंत सुरू असणाऱ्या या आनंदी सोहळ्यासाठी चाकरमानी गावात दाखल झाली आहेत. गणरायाच्या आगमनानंतर तिसऱ्या दिवशी ज्‍येष्‍ठा गौरीचे आवाहन आहे. गुरुवारी (ता. २१) होणाऱ्या माहेरवाशीण गौरीच्या आगमनाची महिलावर्गाकडून तयारी सुरू आहे. यात काही उभ्‍या गौरी बसवतात, तर काही एका गौरीचे पूजन करतात. काही तेरड्याची तर काही खड्यांच्या गौरीची पूजा करतात. रेवदंड्यात नाचत्या गौरीची परंपरा आजही कायम आहे.
(लोकल ते ग्लोबल लेटेस्ट अपडेट मिळवा सकाळच्या व्हॉट्सअप चॅनेलवर फक्त एका क्लिकमध्ये)
गौरी पूजनाची परंपरा वेगवेगळी असली तरी भक्‍तांकडून श्रद्धेत तिळमात्रही कसून नसते. गौरी घरी आल्यावर उंबरठ्यावर तिचे पाय धुवून हळद-कुंकू-अक्षता लावून घरात आणले जाते. घराचा कानाकोपऱ्यात तिला दाखवली जाते. काहींच्या घरात कुमारिकांच्या हातून गौर आणली जाते.
काहींकडे घरातील गृहिणी आणते. घरात आल्यावर कुठून आलीस, अशी विचारपूसही केली जाते. तीन दिवस गौरीचा पाहुणचार केला जातो. पहिला दिवस आगमनाचा, दुसरा गौरीपूजनाचा आणि तिसऱ्या दिवशी जडअंतकरणाने निरोप देत विसर्जन केले जाते. रेवदंड्यात सुमारे दिडशे वर्षांपूर्वी नाचत्या गौरी सुरू करण्याचे श्रेय राघो महादेव जोशी यांना जाते.
गौरी पूजनाच्या दिवशी हळदी-कुंकू आयोजित केले जाते. कोकणात गौर जागवण्याचा कार्यक्रम असतो. रात्री गाणी-नाच, फुगड्या, सोंगट्या असे खेळ खेळले जातात. गौर म्हणजे पार्वतीचे रूप. रेवदंडामध्ये गडमुळे, मोरे, कुंभार व जोशी यांच्या साजशृंगार केलेल्‍या गौर वाजत-गाजत पारनाका येथे महिलांकडून नाचवल्या जातात. ते पाहण्यासाठी अलोट गर्दी जमते.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
