रेल्वेची खानपान सेवा महागणार

मुंबई : लांब पल्ल्याच्या मेल, एक्‍स्प्रेसमध्ये मिळणाऱ्या खाद्यपदार्थांच्या किमती आगामी वर्षात वाढणार आहे. साधारण ५ ते १५ रुपयांपर्यंतची वाढ असून त्यावर पाच टक्के वस्तू व सेवा कर (जीएसटी) द्यावा लागणार आहे. हे दर २८ मार्च २०२० पासून लागू होणार आहेत.

हे वाचा पश्चिम रेल्वेच्या एसी लोकलच्या फेऱ्यांत वाढ

रेल्वे बोर्डाच्या अन्न व पेय विभागाच्या संचालकांकडून नव्या दरांचे परिपत्रक सर्व विभागीय रेल्वे मंडळांना पाठविण्यात आले आहेत. सर्व लांब पल्ल्याच्या गाड्यांसह राजधानी, दुरांतो, शताब्दी या विशेष गाड्यांमधील खानपानही महागणार आहे. या विशेष गाड्यांचे तिकीट बुक करतानाच जेवणाचे पैसे मोजावे लागणार आहेत.
प्रवासाच्या श्रेणीनुसार ही दरवाढ करण्यात आली आहे. पाच वर्षांत महागाई वाढलेली असताना खाद्य पदार्थाचे दर वाढले नव्हते. त्यामुळे २०१४ नंतर पहिल्यांदा दरांमध्ये सुधारणा करण्यात आल्याचा दावा रेल्वे प्रशासनाने केला आहे.

महत्वाचे महाविद्यालयातही आता व्यायामशाळा

एसीसाठी दर 
एसी कारमध्येपूर्वी १५ रुपयांना मिळणारा चहा २० रुपयांना 
नाश्‍त्यासाठी ९७ ऐवजी १०५ रुपये द्यावे लागतील. 
जेवणासाठी १७५ ऐवजी १८५ रुपये मोजावे लागणार आहेत.

किमान खानपान सेवा

खाद्यपदार्थांची किंमत -  प्रस्तावित दर (जीएसटीसह)
नास्ता (शाकाहारी)          ३५
 नास्ता (मांसाहारी)          ४५
 अंडा करी                       ८०
 चिकन करी                    १२०
 शाकाहारी बिर्याणी           ३५०  ग्रॅम - ७०
 अंडा बिर्याणी                  ३५०  ग्रॅम - ८०