Railway News: प्रवाशांना मिळणार दिलासा; मुंबई ते प्रयागराजदरम्यान विशेष रेल्वे गाड्या!

Railway News: रेल्वे प्रवाशांची अतिरिक्त गर्दी लक्षात घेऊन पश्‍चिम रेल्वेने वांद्रे टर्मिनस ते सुभेदारगंज स्थानकांदरम्यान विशेष रेल्वे गाड्या चालवण्याचा निर्णय घेतला आहे. त्यामुळे मुंबई ते प्रयागराज दरम्यान प्रवास करणाऱ्या प्रवाशांना मोठा दिलासा मिळणार आहे.

पश्चिम रेल्वेने दिलेल्या माहितीनुसार, ट्रेन क्रमांक ०४१२६ वांद्रे टर्मिनस- सुभेदारगंज स्पेशल वांद्रे टर्मिनस येथून दर मंगळवारी सकाळी ११ वाजता सुटून सुभेदारगंजला दुसऱ्या दिवशी संध्याकाळी ५ वाजता पोहोचेल. ही ट्रेन २७ फेब्रुवारी ते २६ मार्च २०२४ पर्यंत धावणार आहे.

तसेच ट्रेन क्रमांक ०४१२५ सुभेदारगंज-वांद्रे टर्मिनस स्पेशल सुभेदारगंज येथून दर सोमवारी सकाळी ५.२० वाजता सुटेल आणि दुसऱ्या दिवशी सकाळी ८.३० वाजता वांद्रे टर्मिनसला पोहोचेल. ही ट्रेन २५ मार्च २०२४ पर्यंत धावणार आहे.

या ट्रेन बोरिवली, वापी, वलसाड, सुरत, वडोदरा, रतलाम, कोटा, सवाई माधोपूर, गंगापूर सिटी, बयाना, फतेहपूर सिक्री, आग्रा फोर्ट, तुंडला, इटावा, कानपूर सेंट्रल आणि फतेहपूर स्थानकावर दोन्ही दिशेने थांबेल. या विशेष गाड्यांचे आरक्षण भारतीय रेल्वेच्या सर्व आरक्षण केंद्रांवर आणि आयआरसीटीसीचे संकेस्थळावर सुरू झाले आहे.