Mumbai Local: मुंबई-पुणे प्रवास करणाऱ्यांचे हाल! वाहतूक व्यवस्था विस्कळीत; जाणून घ्या काय आहे लोकलची परिस्थिती

मुंबई-पुण्यासह राज्यातील विविध भागात मुसळधार पाऊस सुरू आहे. अशात याचा मुंबई-पुण्यातील प्रवाशांना मोठा फटका बसला आहे. यासह मुंबईतील लोकल सेवाही विस्कळीत झाली आहे.

दम्यान मुंबईहून-पुण्याला येणारी डेक्कन एक्सप्रसेस अजूनही छत्रपती शिवाजी महाराज टर्मिनस स्थानकातच उभी असल्याची माहिती समोर आली आहे. त्यामुळे मुंबईहून पुण्याला प्रवास करणाऱ्या प्रवाशांचे प्रचंड हाल होत आहेत. तसेच मुंबई-पुणे असा प्रवास करणारे प्रवासी अजूनही गाडीच्या प्रतीक्षेत आहेत.

दरम्यान मुंबईत सध्या पावसाची तीव्रता कमी झाली असली तरी मुंबई शहरासह उपनगराला यलो अलर्ट जारी करण्यात आला आहे. यासह आतापर्यंत झालेल्या पावसामुळे मध्य रेल्वेने प्रवास करणाऱ्या प्रवाशांना मोठ्या अडचणींना सामोरे जावे लागत आहे. मध्य रेल्वेच्या लोकल गाड्या आज पहाटेपासून १५ ते २० मिनिटे उशिरा धावत आहेत. कारण पावसामुळे लोकल सेवेला अनेक तांत्रिक अडचणींना तोंड द्यावे लागत आहेत.

दुसरीकडे पश्चिम रेल्वे मार्गावरील गाड्या ५ ते १० मिनिटे उशिराने तर हार्बर मार्गावरील गाड्या ५ मिनिटे उशिराने धावत आहेत.