Mumbai Air Quality : ...म्हणून मुंबईतील हवेची गुणवत्ता सुधारली; महत्त्वाच्या भागातील AQI जाणून घ्या

मुंबईः मागच्या महिन्याभरापासून मुंबईतील हवेची गुणवत्ता ढासळलेली आहे. परंतु कालपासून हवेचा AQI सुधारल्याचं दिसून येतंय. त्याचं कारण आहे पाऊस. मागच्या तीन दिवसांपासून राज्यातल्या अनेक भागात पावसाने हजेरी लावली. रविवारी मुंबईतदेखील पाऊस कोसळला.

रविवारी नाशिक, मुंबई, पुणे आणि राज्यातील इतर भागात कमी-अधिक प्रमाणात पावसाने हजेरी लावली. नाशिकच्या निफाडमध्ये शेतीचं मोठ्या प्रमाणावर नुकसान झालेलं आहे. नगरमध्येही पाऊस कोसळला. केवळ पाऊसच नाही तर गारपीटदेखील झाल्याचं बघायला मिळत आहे.

अवकाळी पावसामुळे मुंबईच्या हवेची गुणवत्ता मात्र सुधारली आहे. मुंबईतील बीकेसी वगळता सर्व भागातील AQI 100 च्या खाली गेलाय तर बीकेसीचा AQI 103 इतका आहे. पुढील तीन ते चार दिवस हवेची गुणवत्ता चांगल्या स्थितीत राहणार असल्याची माहिती आहे. सोमवारीही मुंबईत अवकाळी पावसाची शक्यता वर्तवण्यात आलीय.

कोणत्या भागात हवा सुधारली

• कुलाबा - 76

• भांडुप - 37

• मालाड - 35

• माझगाव - 47

• वरळी - 33

• बोरिवली - 65

• बीकेसी - 103

• चेंबूर - 89

• अंधेरी - 67

• एकूण मुंबई - 60 AQI

• नवी मुंबई - 53

हवेचा गुणवत्ता निर्देशांक किती असावा?

• शून्य ते ५० एक्यूआय - उत्तम

• ५० ते १०० एक्यूआय - समाधानकारक

• १०१ ते २०० एक्यूआय - मध्यम

• २०१ ते ३०० एक्यूआय - खराब

• ३०१ ते ४०० एक्यूआय - अतिशय खराब

• ४०१ ते ५०० एक्यूआय - गंभीर