Mumbai Local: मुंबईत पावसाचा धुमाकूळ, मुंबईच्या तिन्ही रेल्वे मार्गावरील लोकल सेवा विस्कळीत; चाकरमान्यांचे प्रचंड हाल

राज्यातील अनेक जिल्ह्यांमध्ये मुसळधार पावसाला सुरुवात झाली आहे. यामुळे अनेक ठिकाणची वाहतूक व्यवस्था कोलमडली आहे. मुंबईत, ठाणे, कल्याण परिसरात काल (मंगळवारी) रात्रीपासून पावसाचा जोर वाढला आहे. उल्हासनगर, अंबरनाथ आणि बदलापूरमध्येही मुसळधार पाऊस सुरु आहे. याचा मोठा फटका मुंबईच्या लोकल सेवेला बसला आहे. (Latest Marathi News)

पावसामुळे मुंबई लोकलचं वेळापत्रक कोलमडलं असून पावसाचा मध्य आणि हार्बर रेल्वेला मोठा फटका बसला आहे. पनवेल ते बेलापूर दरम्यान वाहतूक सेवा ठप्प झाली आहे. तर अंबरनाथ ते बदलापूर रेल्वे वाहतूक देखील बंद आहे. पावसाचे पाणी रुळावर आल्याने वाहतूक सेवा ठप्प झाली आहे.(Latest Marathi News)

पावसामुळे मुंबईच्या तिन्ही रेल्वे मार्गावरील वाहतूक विस्कळीत झाली आहे. ट्रेन आता उशिरानं धावत आहेत. लोकलचं वेळापत्रक विस्कळीत झाल्यानं चाकरमान्यांना कामावर जाताना समस्यांचा सामना करावा लागत आहे. काही स्थानकात रेल्वे मार्गावरील ट्रेन सध्या सुरू आहेत मात्र अत्यंत धीम्या गतीनं वाहतूक सुरू आहे.(Latest Marathi News)

बदलापूर आणि अंबरनाथ स्थानकादरम्यान मुसळधार पावसामुळे रुळांवर पाणी साचल्याने मध्य रेल्वे ठप्प झाली आहे. कर्जत अंबरनाथ आणि बदलापूरहून मुंबईच्या दिशेने जाणारी लोकल बंद ठेवण्यात आली आहे. याबाबतची माहिती रेल्वे प्लॅटफॉर्मवर रेल्वे प्रशासनाकडून दिली जात आहे.(Latest Marathi News)