MNS Raj Thackeray: विधानसभा निवडणुकीत महाराष्ट्र नवनिर्माण सेना स्वबळावर उतरली होती. मुंबईत मनसेने २५ उमेदवार दिले होते, मात्र मनसेचा सुपडा साफ झाला असून बाळा नांदगावकर वगळता इतर ठिकाणी मनसेचे सर्व उमेदवार तिसऱ्या आणि चौथ्या क्रमांकावर फेकले गेले.
मुंबईतील २५ उमेदवारांपैकी माहीम अमित ठाकरे, वरळी संदीप देशपांडे, शिवडी बाळा नांदगावकर, भांडुप पश्चिम शिरीष सावंत, वांद्रे पूर्व तृप्ती सावंत हे जोरात लढत देतील, अशी अपेक्षा होती. त्यांच्यासाठी राज ठाकरे मुंबईत ठाण मांडून होते. अनेक सभाही त्यांनी घेतल्या, मात्र त्याला फारसे यश आले नाही.