Raj Thackeray Vs Eknath Shinde: ठाण्यात राज ठाकरेंची मोठी खेळी! CM शिंदेंना दिला मोठा धक्का; पदाधिकाऱ्यांचा सेनेला रामराम

मुंबई : एकीकडं एकनाथ शिंदे यांच्याकडं इतर पक्षातून इनकमिंग सुरु असताना दुसरीकडं भिवंडीत त्यांच्या पक्षाला झटका बसला आहे. कारण इथल्या अनेक पदाधिकाऱ्यांनी राज ठाकरेंच्या मनसेत प्रवेश केला आहे.

यामध्ये उपजिल्हाप्रमुखांसह महिला आघाडी आणि तालुका स्तरावरील पदाधिकाऱ्यांचा समावेश आहे. राज ठाकरे यांच्या उपस्थितीत या सर्वांनी मनसेत नुकताच प्रवेश केला. (raj thackeray vs eknath shinde shivsena party office bearers of bhivandi enters mns

भिवंडी लोकसभा मतदार संघातल्या शिंदेंच्या शिवसेनेतील पदाधिकाऱ्यांचा थोड्यावेळापूर्वी महाराष्ट्र नवनिर्माण सेनेमध्ये पक्षप्रवेश झाला. शिंदे गटाचे भिवंडी लोकसभेचे उपजिल्हाप्रमुख संतोष शिंदे यांच्या नेतृत्वाखाली शहरप्रमुख महिला आघाडी, तालुका प्रमुख महिला आघाडी आणि शहापूरमधील इतर शिवसेना शिंदे गटाच्या पदाधिकाऱ्यांनी देखील मनसेत प्रवेश केला. मनसे अध्यक्ष राज ठाकरे यांच्या उपस्थितीत हा पक्ष प्रवेश पार पडला. (Latest Marathi News)