मुंबई - आंबोली परिसरात परदेशी महिलेवर बलात्कार केल्याप्रकरणी मुंबई पोलिसांनी एका व्यक्तीविरोधात गुन्हा दाखल केला असून आरोपी अद्याप फरार आहे. पोलिस आरोपीचा शोध घेत आहेत. एका पोलंडच्या महिलेने दिलेल्या तक्रारीनंतर पोलिसांनी एफआयआर दाखल करून घेतली.
तक्रारीनुसार, आरोपी मनीष गांधीने नोव्हेंबर 2016 ते जानेवारी 2022 या कालावधीत महिलेवर अनेकदा अत्याचार केले. पीडित तरुणी अंधेरीतील एका कंपनीत काम करत असताना आरोपींने वारंवार तिच्या नावाने अश्लील स्टोरी तयार करून ती व्हॉट्सअॅपवर व्हायरल केली.
इतकंच नाही तर आरोपी मनीष गांधी पीडितेचे न्यूड फोटो, व्हिडिओ, इतर अश्लील व्हिडिओ तिलाच पाठवले. कामानिमित्त जेव्हा जेव्हा तो तिच्यासोबत जर्मनी, गोरेगाव, दिल्ली आणि इतर ठिकाणी जात असे, तेव्हा फोटो काढून तिला शारीरिक आणि मानसिक त्रासही देत असे.
आरोपी पीडितेला अनेक दिवसांपासून धमकी देत होता की तो तिचे व्हिडिओ आणि फोटो तिच्या नातेवाईकांना आणि कंपनीतील इतर लोकांना पाठवेल. आंबोली पोलिसांनी आरोपी मनीष गांधी याच्याविरोधात कलम ३५४ अ, ३५४ सी, ५०९, ५०६, ६७ अन्वये गुन्हा दाखल केला आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
