सबस्क्राईब करा
सबस्क्राईब करा
मुंबई : शहरात काल-आज मिळून २४ तासांत विक्रमी पाऊस पडला. २४ तासांत मुंबईतील अनेक भागांमध्ये २०० मिलिमीटरपेक्षा अधिक पावसाची नोंद झाली. शहरात या मोसमातील सर्वाधिक पावसाची नोंद झाली.
मुंबईत गेल्या पाच दिवसांपासून मुसळधार पाऊस सुरू आहे. दिवसेंदिवस पावसाचा जोर वाढत आहे. शहर, पूर्व आणि पश्चिम उपनगरांत जोरदार पाऊस सुरू आहे. पालिकेच्या स्वयंचलित हवामान केंद्रावर नोंदवलेल्या आकडेवारीनुसार रविवारी (ता. २१) सकाळी आठ ते सोमवारी (ता. २२) सकाळी आठ या २४ तासांत मुंबईत सर्वाधिक पावसाची नोंद झाली आहे.
सर्वाधिक जास्त पाऊस (आकडे २०० मिलिमीटरमध्ये)
शहाजीनगर पालिका शाळा (ट्रॉम्बे मानखुर्द): २४१, नूतन विद्यामंदिर (मानखुर्द) ः२२४, नाडकर्णी पार्क महापालिका शाळा (वडाळा) :२२३, ‘एन’ प्रभाग कार्यालय (घाटकोपर) ः २१५, मानखुर्द अग्निशमन केंद्र :२१२, आदर्शनगर महापालिका शाळा (वरळी)ः २०४, शिवडी कोळीवाडा :२०३. रमाबाई महापालिका शाळाः २०२
मुसळधारेची शक्यता
कुलाबा वेधशाळेने वर्तवलेल्या अंदाजानुसार पुढील २४ तासांत मुसळधार पावसाची शक्यता वर्तवली आहे. यादरम्यान काही भागात अतिवृष्टीचा अंदाजदेखील आहे. यामुळे नागरिकांनी कामाशिवाय बाहेर पडू नये, असे आवाहन वेधशाळेने केले आहे.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.