मुंबई: आज दसरा साजरा करण्यात येत आहे. या वेळी शुभेच्छा देण्यासाठी गळाभेट करत असाल तर आताच सावध व्हा असा सल्ला वैद्यकीय तज्ञ देत आहेत. कोरोना संख्या कमी होत असली तरी कोरोना गेला नाही याचे भान वैद्यकीय तज्ज्ञ आणून देत आहेत.
उत्‍सवी हंगाम सर्व स्‍तरातील लोकांना एकत्र आणतो. मात्र यंदा स्थिती अत्यंत वेगळी आहे. आता नवरात्री सुरू असताना दसरा, दिवाळी आणि नाताळ तोंडावर आलेत. त्यामुळे नागरिकांना सार्वजनिक संमेलन टाळण्‍याचा, सामाजिक शिष्‍टाचार पाळण्‍याचा आणि घरामध्‍येच सण साजरा करण्‍याचा सल्ला देण्‍यात आला आहे. केंद्रिय आरोग्य मंत्रालयाने जारी केलेल्‍या मार्गदर्शक सूचनांचे पालन करण्यात यावे असे फोर्टीज रुग्णालयाच्या इन्‍फेक्शिअस डिसीज स्‍पेशालिस्‍ट डॉ. किर्ती सबनीस यांनी सांगितले.
डॉ सबनीस यांनी सांगितले की, उत्सवांमधून संसर्गामध्‍ये मोठी वाढ होण्‍याची शक्‍यता असते. तसेच तोंडावर आलेला हिवाळा ऋतूदरम्‍यान कोविड-19 संदर्भात योग्‍य ती काळजी घेण्‍याचे आवश्यक असल्याचे त्या म्हणाल्या. ही अत्यंत महत्त्वाची वेळ असून आरोग्‍यसेवा यंत्रणा, डॉक्‍टर्स, परिचारिका आणि नागरी प्राधिकरणे कोविड-19 विरोधातील लढा देत आहेत. त्यामुळे हा संसर्ग अधिक पसरू नये म्हणून उत्सव साजरे करताना सामाजिक शिष्‍टाचारांचे पालन करण्यात यावे असे ही त्या म्हणाल्या.
(संपादनः पूजा विचारे)
Refuse physical contact during festival Suggestions festive days health experts
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.