लाच घेताना दुय्यम निबंधकांना रंगेहाथ पकडले; वाड्यात लाचलुचपत विभागाची कारवाई

वाडा  ः वाड्याचे प्रभारी दुय्यम निबंधक सर्जेराव चाटे यांना एका बांधकाम व्यावसायिकांकडून गाळ्यांची नोंदणी करण्यासाठी 20 हजारांची लाच घेताना पालघर लाचलुचपत विभागाने शुक्रवारी सायंकाळच्या सुमारास रंगेहाथ पकडले. तक्रारदार हे बांधकाम व्यावसायिक असून त्यांनी बांधलेल्या दत्तात्रेय अपार्टमेंट इमारतीमधील गाळा नंबर 10 व 11 यांची विक्री करण्यात आली असून त्याचे नोंदणी करणे बाकी होते. सदर गाळ्यांचे रजिस्टेशन करण्याकरिता प्रत्येक गाळ्यांचे 15 हजार रुपये असे एकूण 30 हजार रुपयांची मागणी होती. तडजोडीअंती ही रक्कम 20 हजार ठरविण्यात आली.

कोरोना दिवाळी! सण साजरा करण्यासाठी राज्य सरकारच्या मार्गदर्शक सूचना जारी

म्हणून तक्रारदारांनी लाचलुचपत प्रतिबंधक विभाग पालघर यांच्याकडे तक्रार केली होती. त्या अनुषंगाने आज सायंकाळी पालघर लाचलुचपत विभागाने सापळा रचून लाचेची 20 हजारांची रक्कम घेताना पंचासमक्ष रंगेहाथ पकडले. 
ही कारवाई पालघर लाचलुचपत प्रतिबंधक विभागाचे उपअधीक्षक के. एस. हेगाजे, पोलिस निरीक्षक भारत साळुंखे, पोलिस हवालदार मांजरेकर, कदम, पोलिस नाईक सुवारे यांच्या पथकाने केली. रात्री उशिरापर्यंत तपासकार्य सुरू होते. 

registrar was caught red handed taking bribes in vada

( संपादन ः रोशन मोरे)