Mumbai Crime : कोविड घोटाळा रेमेडीविर इंजेक्शन घोटाळा प्रकरणात गुन्हे शाखेकडून गुन्ह्याची नोंद

मुंबई : खिचडी आणि जंबो कोविड सेंटर कथित घोटाळ्यानंतर कोवीड काळात मुंबई महापालिकेने रेमेडीविर इंजेक्शन खरेदी घोटाळा प्रकरणी मुंबई पोलिसांच्या आर्थिक गुन्हे शाखेने गुन्हा नोंदवला आहे. मुंबई महापालिकेतून 10000 हून अधिक रेमडेसिव्हिर इंजेक्शन गायब झाल्याची तक्रार किरीट सोमय्या यांनी काही आठवड्यापूर्वी मुंबई पोलिस, ईडी आणि आयकर विभागाकडे केली होती.

या संदर्भात प्राथमिक चौकशी केल्या नंतर मुंबई पोलिस आर्थिक गुन्हे अन्वेषण विभागाने आता यावर गुन्हा दाखल केला आहे, मुंबई महापालिकेच्या खरेदी खात्याने हजारो रेमडेसिव्हिरची अपादर्शकरित्या खरेदी केल्याचा आरोप करण्यात आला आहे. 2020 मध्ये एक रेमडेसिव्हिर इंजेक्शन 4300 रुपये दिले.

तेच 2021 मध्ये 665 रुपयात रेमडेसिव्हिरचे करार असताना सुद्धा 1600 रुपयात रेमडेसिव्हिर इंजेक्शन विकत घेतल्याचा आरोप करण्यात आला आहे. करोडो रूपयांचे रेमडेसिव्हिर इंजेक्शन विकत घेतल्यानंतर त्याचे वितरण कसे झाले, याचा तपास करावा तसेच हजारो रेमडेसिव्हिर इंजेक्शनचा रेकॉर्डच नसल्याचा आरोप करण्यात येत आहे.