कुणाच्या खांद्यावर कुणाचे ओझे...! सामाजिक भान राखून अखेर पोलिसांनी बुजवले रस्त्यावरील खड्डे

नालासोपारा : महामार्गावरील खड्ड्यामुळे होणारी वाहतूक कोंडी सुरळीत करण्यासाठी वर्दीतील महामार्ग पोलिसांनीच हातात फावडे आणि घमेले घेऊन सोमवारी  महामार्गावरील खड्डे बुजवले. 

मोठी बातमी : अंतिम वर्षाच्याअंतिम सत्राच्या परीक्षांबाबत 'या' दिवशी होणार सुनावणी...

मुंबई-अहमदाबाद महामार्गावर वसई हद्दीत मालजीपाडा येथे ओहरब्रिजचे काम सुरू आहे. त्यामुळे तीन लेनची वाहतूक ही एका लेनवरून सुरू आहे. ज्या लेनवर वाहतूक सुरू आहे. त्या लेनवर सुद्धा खड्ड्यांचे साम्राज्य पसरले आहे. त्यामुळे गुजरातहून मुंबई आणि मुंबईहून गुजरातकडे जाणाऱ्या दोन्ही दिशांवर प्रचंड वाहतूक कोंडी होत आहे. त्यातच रस्त्यात खड्ड्यांचे साम्राज्य पसरल्याने वाहनधारकांना मोठी कसरत करावी लागत आहे. याबाबत महामार्ग पोलिसांनी आयआरबीला वारंवार सांगून सुद्धा त्यांच्याकडून रस्त्याची डागडुजी होत नसल्यामुळे वाहनधारक आणि महामार्ग वाहतूक पोलिसांवर याचा प्रचंड ताण पडत आहे. 

मोठी बातमी :  ‘हनी-ट्रॅप’मुळे सराईत आरोपी अडकला पोलिसांच्या जाळ्यात  

खड्डे पडलेले असल्याने सोमवारी पुन्हा सकाळपासूनच महामार्गावर प्रचंड वाहतूक कोंडी झाली. मुंबईच्या दिशेने जाणारे वाहन धीम्या गतीने सुरू होती. शेवटी वाहतूक कोंडी सुरळीत करण्यासाठी चिंचोटी महामार्ग केंद्राचे प्रभारी पोलिस उपनिरीक्षक नरेंद्र वडे यांच्या पुढाकारातून पोलिस नाईक शिवराज झांजुरने, अविनाश पानसरे, बाळासाहेब वने, बंडू पाटील, पोलिस हवालदार सुनील भालेराव या वर्दीतल्या पोलिसांनीच हातात फावडे आणि घमेले घेऊन महामार्गावरील खड्डे बुजवून आपली सामाजिक बांधिलकी जपत वाहतूक सुरळीत केली आहे..

नक्की वाचा : कोकणात जाणाऱ्या चाकरमान्यांसाठी रेल्वेचाही प्रस्ताव; वाचा आताची सर्वात मोठी अपडेट

आयआरबीच्या निष्काळजीपणाचा फटका रात्रंदिवस रस्त्यावर उभे राहून काम करणाऱ्या पोलिस आणि प्रवासी वाहनधारकांना बसत असल्याने नागरिकांकडून तीव्र संताप व्यक्त होत आहे.

(संपादन : वैभव गाटे)

repair potholes by mumbai traffic police on mumbai ahamadabad road