मुंबई - सांताक्रुझ बस आगारातील बस शनिवारी सकाळी ८.२० च्या सुमारास इलेक्ट्रिक हाऊस येथून सांताक्रुझ बस आगाराच्या दिशेने जात होती. रुट नंबर सी - १, बस नंबर ७८९१ ही बस नागपाडा जे.जे रुग्णालय नागपाडा जवळ पोहोचताच बसने पेट घेतला. यावेळी बस मध्ये सुमारे १५ ते २० प्रवासी बचावले.
अग्निशमन दलाला घटनेची माहिती मिळताच तत्काळ घटनास्थळी धाव घेत आगीवर नियंत्रण मिळविले. आगीचे नेमके कारण समजू शकलेले नसून अग्निशमन दलाचे अधिकारी स्थानिक पोलीस व बेस्ट उपक्रमाचे अधिकारी पुढील तपास करत असल्याचे बेस्ट उपक्रमाकडून सांगण्यात आले.
सांताक्रुझ बस आगारातील बस रुट नंबर सी १, बस नंबर ७८९१ ही बस सांताक्रुझ बस आगार ते इलेक्ट्रिक हाऊस दरम्यान धावते. शनिवारी सकाळी इलेक्ट्रिक हाऊस येथून निघालेली ही बस जे.जे. रुग्णालय नागपाडा जवळ पोहोचताच बसने पेट घेतला. बसला आग लागल्याचे कळताच प्रवाशांमध्ये भीतीचे वातावरण पसरले.
काय झाले हे स्पष्ट होण्याआधीच प्रवाशांनी मागच्या दरवाजाने बाहेर निघाले. मुंबई अग्निशमन दलाला घटनेची माहिती मिळताच घटनास्थळी धाव घेत आगीवर नियंत्रण मिळवले. दरम्यान, बसच्या पुढच्या बाजुच्या टारयने पेट घेतला. या घटनेची चौकशी सुरु असल्याचे बेस्ट उपक्रमाकडून सांगण्यात आले.
लांब अंतरावर धावणाऱ्या या बस मध्ये नेहमीच मोठी गर्दी असते. परंतु आज असल्याने प्रवाशांची संख्या रोजच्या तुलनेने कमीच होती. सकाळी ही बस इलेक्ट्रिक हाऊस येथून सांताक्रुझ बस आगाराच्या दिशेने जात होती. त्यामुळे नेहमीच्या तुलनेत प्रवासी कमीच होते. त्यामुळे मोठा अनर्थ टळला.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.