Mumbai News: अभिनेता सलमान खान याच्या घरावर गोळीबार करणाऱ्या अनुज थापन याने तुरुंगात आत्महत्या केली. त्यानंतर अनुजचा मृत्यू संशयास्पद असून याप्रकरणी सीबीआय चौकशी करावी, अशी मागणी अनुजच्या आईने उच्च न्यायालयात याचिका दाखल करून केली आहे. पुढच्या आठवड्यात या याचिकेवर सुनावणी होणार आहे.
अभिनेता सलमान खानच्या मुंबईतील गॅलेक्सी अपार्टमेंटबाहेर काही दिवसांपूर्वी दोघांनी गोळीबार केला होता. या प्रकरणी दोन आरोपींना गुजरातमधील भूजमधून अटक केली तर अनुज थापन आणि सोनू बिश्नोईला पंजाब येथून अटक करण्यात आली. त्यानंतर पोलिसांच्या ताब्यात असलेल्या अनुजने बुधवारी तुरुंगातच चादरीच्या साहाय्याने गळफास लावून घेतला व त्यातचा त्याचा मृत्यू झाला.
अनुजच्या मृत्यूनंतर शवविच्छेदन अहवाल सादर केला तेव्हा गळ्याभोवती चादर गुंडाळल्याने झालेले व्रण व श्वास गुदमरल्याने त्याचा मृत्यू झाल्याचे शवविच्छेदन अहवालात नमूद करण्यात आले. मात्र, ही आत्महत्या नसून हत्या असल्याचा दावा त्याच्या कुटुंबीयांनी केला आहे. त्यामुळे या प्रकरणाची सीबीआय चौकशी करण्यात यावी, अशी मागणी याचिकेद्वारे केली आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
