सबस्क्राईब करा
Bollywood : यु ट्यूब चॅनलवरून अभिनेता सलमान खान याला धमकी देणाऱ्या तरुणाला मुंबई गुन्हे शाखेने राजस्थान येथून अटक केली. बनवारीलाल गुजर(२५) असे या तरुणाचे नाव आहे.
काही दिवसांपूर्वी 'अरे छोडो यार' या युट्यूब चॅनेलवरून प्रसारित झालेल्या एका व्हिडिओत बिश्नोई टोळीचे गोल्डी ब्रार आणि इतर सदस्य आपल्यासोबत असून सलमानला मारण्याचा बेत ठरला आहे. सलमानला कोणत्याही दर्जाची सुरक्षा द्या, त्याला आम्ही सोडणार नाही, अशी धमकी बनवारीलाल देत होता. हा व्हिडिओ एका चाहत्याने पाहिला आणि पोलिसांना कळविले.
याप्रकरणी दक्षिण विभाग सायबर पोलीस ठाण्यात गुन्हा दाखल करून प्रकरणाचा तपास खंडणी विरोधी पथकाकडे देण्यात आला.
तांत्रिक पुराव्यांआधारे आरोपी राजस्थानमध्ये असल्याची माहिती मिळताच पोलीस निरीक्षक अरुण थोरात यांचे पथक मुंबईहून राजस्थानच्या दिशेने रवाना झाले. राजस्थानच्या बुंदी गावातील गुजर हॉस्टेलमधून बनवारीलाल याला ताब्यात घेत मुंबईत आणून रविवारी न्यायालयात हजर केले. न्यायालयाने त्याला पोलिस कोठडी सुनावली.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
