Samruddhi Highway Accident :समृध्दीवर पुन्हा अपघात, ट्रक उलटला ; चालक जखमी

Samruddhi Highway Accident : समृद्धी महामार्गावर अपघाताची मालिका सुरुच असून दोन दिवसापूर्वी रुग्णवाहिका व कारचा अपघात झाला होता. तर शुक्रवारी सकाळी ८ वाजता वनोजा ते मालेगावच्या दरम्यान कांद्याचा ट्रक डिव्हायडरवर धडकल्याने पलटी झाला. यात ट्रक चालक किरकोळ जखमी झाला आहे.

लासलगाववरून कांदे घेवून (एम एच १३ बी जी क्यू ५९६८) अमरावतीकडे जात असताना मालेगाव ते वनोजाच्या मध्ये एका ट्रकला व्होअरटेक करताना सदर ट्रकचा टायर डिव्हायरडवरील दगडावरून गेल्याने ट्रक आदळला व पलटी झाला. ट्रकचे मोठ्या प्रमाणात नुकसान झाले असून ट्रक चालक हा किरकोळ जखमी झाला आहे.

घटनास्थळाच्या शेजारील शेतात तूर राखण करणारे शेतकरी अनिल जाधव यांनी चालकाला प्राथमिक उपचारासाठी किन्हीराजा येथे नेले, अशी माहिती ट्रक चालक हाजी मलंग शेख (रा. सोलापूर) यांनी दिली.