मुंबई महापालिकेचा 'हा' हेल्पलाईन नंबर नोंद करुन ठेवा

मुंबई- कोरोना व्हायरसनं मुंबईत थैमानं घातल आहे. गेल्या कित्येक दिवसांपासून कोरोनाबाधितांचा आकडा उच्चांकी गाठतोय. याच पार्श्वभूमीवर मुंबई महापालिकेनं एक हेल्पलाईन नंबर जारी केला आहे. कोविड केअर सुविधेविषयीच्या तक्रारी नागरिक आता 1916 या हेल्पलाईन नंबर दाखल करु शकणार आहेत. बीएमसीनं तसं मुंबई हायकोर्टाला आश्वासन दिलं आहे. रुग्णांना हेल्पलाइन नंबरद्वारे नॉन कोविड बेडची उपलब्धतेची माहिती देखील मिळू शकणार आहे. कोरोना रुग्णांसाठी जवळच्या कोणत्या रुग्णालयात जागा होऊ शकेल हे तात्काळ समजण्यासाठी हेल्पलाईनवर आता खास सोय करण्यात आली आहे.

...भारतात 'यासाठी' व्हिडिओ पाहणाऱ्यांचे प्रमाण जास्त!

यापूर्वी मुख्य न्यायाधीश दीपाणकर दत्ता आणि न्यायमूर्ती ए.ए. सय्यद यांच्या खंडपीठाने कोविड -19 संबंधित याचिकेवरील सुनावणी दरम्यान ही सूचना केली होती. हेल्पलाईन क्रमांक –1916 वर नागरिकांना पर्याय 4 वर तक्रारी नोंदविण्यास परवानगी असेल आणि कोविड नसलेल्या रुग्णांना पर्याय 5 वर माहिती दिली जाईल.

पालिकेची बाजू मांडणारे ज्येष्ठ वकील अनिल साखरे म्हणाले की, पारदर्शकता सुनिश्चित करण्यासाठी आयसीयू बेड आणि एकूण आकडेवारीसह बेडची उपलब्धता देणारे कागदपत्र पालिकेच्या संकेतस्थळावर ठेवण्यात येतील. विविध रुग्णालयांमध्ये 'कोविड' बाधित रुग्णांसाठी असलेल्या खाटांपैकी उपलब्ध असलेल्या खाटांची माहिती सध्या नियमितपणे अद्ययावत केली जात आहे. तसंच, लवकरच ही माहिती 'रियल टाईम' पद्धतीने देखील अद्ययावत करण्याचे काम आता अंतिम टप्प्यात आहे.

बापरे! मुंबईत 'हे' आहे प्रदुषणाचं मुख्य केंद्र; पश्चिम उपनगरं आहेत सर्वाधिक प्रदूषित..

सध्या, बीएमसी हेल्पलाईन क्रमांकावर चाचणी माहिती पुरवण्यासाठी पर्याय 1, पर्याय 2 हा रुग्णवाहिकेसाठी, बेड उपलब्धता आणि बुकिंगसाठी पर्याय 3, सामान्य माहितीसाठी पर्याय 4. mcgm.gov.in या संकेतस्थळावरुन बीएमसीच्या वेबसाइटवर जाता येतं आणि ‘stop corona virus’ ची लिंक ही वेबसाइटच्या डाव्या कोपऱ्यात आहे.