मुस्लीम आरक्षणाच्या मुद्दावरून ऑल इंडिया मजलिस ए इत्तेहादुल मुस्लमीन (AIMIM) पक्षाने आक्रमक पवित्रा घेतल्याचं दिसून येतंय. त्याच पार्श्वभूमीवर आज वक्फ बोर्डाच्या जमीनींना संरक्षण आणि मुस्लीम आरक्षणाची (Muslim Reservation) मागणी घेऊन आज एमआयएमने आज औरंगाबाद ते मुंबई अशा रॅलीचं आयोजन केलं आहे. तर दुसरीकडे मुंबईत मात्र ओमिक्रॉनच्या पार्श्वभूमीवर जमावबंदी लागू करण्यात आली आहे. एमआयएम मात्र मुंबईत (Mumbai) जाऊन सभा घेण्याच्या आपल्या मागणीवर ठाम असल्याने संघर्ष निर्माण होण्याची शक्यता निर्माण झाली आहे.
एमआयएमने आज खासदार इम्तियाज जलील यांच्या नेतृत्वाखाली औरंगाबाद, अहमदनगर, पुणे, ते मुंबई अशा रॅलीचं आयोजन केलं आहे. या रॅलीला सुरूवात झाली असून, रस्त्यात काही ठिकाणी या रॅलीला रोखण्याचा देखील प्रयत्न झाला. त्यानंतर देखील कार्यकर्ते आपल्या भूमीकेवर ठाम आहेत. तर वाढत्या ओमिक्रॉनच्या पार्श्वभुमीवर मुंबई पोलिसांनी जमावबंदीचा निर्णय घेतला आहे. तसेच एमआयएमच्या रॅलीला देखील परवानगी नकारली आहे. गृहमंत्री दिलीप वळसे पाटील यांनी ही माहिती दिली आहे. तर एमआयएमचे प्रमुख असदुद्दीन ओवैसी हे आपल्या सभेसाठी मुंबईत पोहोचले आहेत.
मुंबईत रविवारी रात्री १२ पर्यंत जमावबंदी
मुंबई पोलिसांनी उद्या (12) पर्यंत जमावबंदीचे आदेश दिले आहेत. आज रात्रीपासुन उद्या रात्री 12 वीजेपर्यंत मुंबईत जमावबंदी असणार आहे. या काळात कोणतीही सभा, सार्वजनिक कार्यक्रम, रॅली अशा गर्दी करणाऱ्या कार्यक्रमांना परवानगी नसेल.
दरम्यान, या सर्व पार्श्वभूमीवर आज मुंबई संघर्ष निर्माण होण्याची शक्यता आहे. मुंबई पोलिसांनी बंदोबस्त वाढवला असून, ठिकठिकाणी नाकेबंदी देखील करण्यात आली आहे. एमआयएमचे नेते असाउद्दीन ओवैसी मुंबईत पोहोचले असून, आज संध्याकाळी पाच वाजता त्यांची चांदिवली येथे सभा आहे. मात्र, मुंबईत कलम 144 लागू केल्याने त्यांच्या सभेला अडचणी निर्माण होऊ शकतात.
मागील महिन्यात देखील मुंबईत सभेची परवानगी नाकारण्यात आली होती. यावेळी ओवैसींनी सोलापुरात एका हॉलमध्ये सभा घेतली होती. आणि त्यांच्या गाडीवर नंबर प्लेट नसल्याने सोलापूर ट्रॅफिक पोलिसांनी २०० रुपयांचा दंड लावला होता
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
