धारावी : धारावीतील चार वर्षीय मुलावर काकीने लैंगिक अत्याचार केल्याचा प्रकार उघडकीस आला आहे. याप्रकरणी धारावी पोलिस ठाण्यात मुलाच्या कुटुंबीयांनी तक्रार दाखल केली असून, पोलिसांनी गुन्हा नोंदवत तपास सुरू केला आहे.
जोगेश्‍वरीत राहणारी २८ वर्षीय महिला लग्न करून धारावीत सासरी वर्षभरापूर्वी राहण्यास आली होती. येथील घराची पडझड झाल्याने ती व तिचा पती कुटुंबापासून वेगळे डोंबिवलीत राहत होते. या महिलेच्या दिराला ४ वर्षांचा मुलगा आहे. दसऱ्याच्या दिवशी मुलगा व त्याचे वडील खेळत असताना वडिलांनी आज काका-काकी घरी येणार असल्याचे मुलास सांगितले असता मुलगा रडू लागला.
मुलगा अचानक का रडतोय म्हणून विश्वासात घेऊन वडिलांनी विचारणा केली असता हा प्रकार समोर आला. मुलाने त्याच्या आईला याची माहिती आधीच दिली होती. मात्र, भीतीमुळे आई गप्प होती. मुलगा काकीला पाहून सतत घाबरू लागल्याने कुटुंबीयांनी २३ ऑक्टोबरला पोलिसांत धाव घेतली. महिला पोलिसांनी मुलाकडून सगळी हकीकत समजून घेतली. दरम्यान, मुलाच्या त्रासाबद्दल कल्पना आहे; मात्र कागदोपत्री प्रक्रिया पूर्ण करणे गरजेचे आहे. यामुळे पालकांनी सहकार्य करावे, असे आवाहन तपास अधिकारी वामन ठाकरे यांनी केले आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
