- मोहिनी जाधव
बदलापूर - कलाकृतींची आवड असणाऱ्या एका शेतकरी तरुणाने मुरबाड तालुक्यातील शिरगाव येथे आपल्या शेतात राष्ट्रवादी काँग्रेस पक्षाचे राष्ट्रीय अध्यक्ष शरद पवार यांच्या ८३ वाढदिवस निमित्ताने शरद पवार यांची ८३ फुटांची ग्रास पेंटिंग साकारली. राष्ट्रवादी काँग्रेस बदलापूर शहराध्यक्ष शैलेश वडनेरे यांच्या संकल्पनेतुन नंदू शिंदे या तरुणाने ही कलाकृती साकारली आहे.
राष्ट्रवादी काँग्रेसचे बदलापूर शहराध्यक्ष शैलेश वडनेरे यांच्या संकल्पनेतून राष्ट्रीय नेत्याला वाढदिवसानिमित्त आगळी वेगळी भेट देण्याचे मनात असताना, मुरबाड मधील एक तरुण शरद पवारांचा खंदा समर्थक असलेला नंदू शिंदे या तरुणाने शेतात बियाणे रुजवून त्यातून आलेल्या छोट्या छोट्या गवतरुपी पिकात शरद पवारांची प्रतिमा साकारण्याची इच्छा त्याने व्यक्त केली.
व १५ दिवस मेहनत करुन, मुरबाड पासून सहा किमी अंतरावरील शिरगाव गावामध्ये आपल्याच शेतात शरद पवार यांची ग्रास पेंटिंग साकारत त्यांना ८३ व्या वाढदिवसाच्या अनोख्या पद्धतीने शुभेच्छा दिल्या आहेत.
शरद पवारांची ही कलाकृती अर्धा एकर जमिनीवर साकारली असून त्यासाठी ४० किलो बियाण्यांचा वापर करण्यात आला आहे. यात १० उडीदडाळ आणि 30 किलो मूग असे ४० किलो धान्य पेरणीसाठी वापरले आहे. पवारांची धान्यातील प्रतिमा साकारण्यासाठी जमिनीची मशागत करून त्यावर पेरणी करण्यात आली. त्यानंतर ते धान्य उगविण्यासाठी योग्य आणि नियोजनबद्ध पद्धतीने सिंचनाद्वारे पाणी देऊन उगविण्यात आले.
१५ दिवसांच्या या अथक मेहनत आणि प्रयत्नातून पवारांची प्रतिमा साकारली. यावेळी शिरगावातील जिल्हा परिषद शाळेतील विद्यार्थ्यांनी एकत्रित येऊन साहेब हा शब्द देखील साकारण्यात आला. ८३ फुटांची ग्रास पेंटिंग दाखवण्यासाठी ड्रोन चा वापर करण्यात आला. यावेळी साकारण्यात आलेली शरद पवार यांची प्रतिमा पाहण्यासाठी नागरिकांची मोठी गर्दी होत आहे. तर कलाकृतीचे आता सर्वत्र कौतुक होत आहे.
देशाचे कृषीमंत्री पद भूषविणारे व देशाच्या राजकारणातील महत्त्वाचे नाव असणाऱ्या शरद पवारांचा ८३ वाढदिवस विशेष पद्धतीने साजरा करण्यासाठी शेतात पेंटिंग साकारून त्यांना राष्ट्रवादी काँग्रेस पक्ष कडून आम्ही या आगळ्या वेगळ्या शुभेच्छा साहेबांना दिल्या आहेत.
- शैलेश वडनेरे, शहराध्यक्ष राष्ट्रवादी काँग्रेस पक्ष बदलापूर
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.