सबस्क्राईब करा
मुंबई- उत्तर पश्चिम मुंबई मतदारसंघातून शिवसेना शिंदे गटाचे नेते रवींद्र वायकर यांचा विजय झाला आहे. त्यांचा केवळ ४८ मतांनी विजय झाला होता. याप्रकरणी आता मोठी अपडेट समोर येत आहे. रवींद्र वायकर यांनी विजय मॅनेज केला असं म्हणत दोन अपक्ष उमेदवारांनी पोलीस स्टेशनमध्ये तक्रार दाखल केली आहे.
मिळालेल्या माहितीनुसार, हिंदू समाज पक्षाचे भरत शाह आणि जनआधार पार्टीचे सुरिंदर अरोरा मोहन यांनी वनराई पोलीस स्टेशनमध्ये तक्रार दाखल केली आहे. यावर अद्याप काहीही कारवाई करण्यात आलेली नाही. दुसरीकडे, शिवसेना ठाकरे गटाचे नेते अमोल कीर्तिकर यांनी निवडणूक आयोगामध्ये वायकर यांच्या विजयाला आव्हान देण्याची तयारी केली आहे. त्यामुळे याप्रकरणात पुढे काही होतं का? हे पाहावं लागणार आहे.
रवींद्र वायकर यांचा विजय मॅनेज असल्याचं तक्रारीमध्ये म्हणण्यात आलं आहे. वनराई पोलिसांकडून याबाबत अद्याप काही कारवाई करण्यात आलेली नाही. तक्रारीमध्ये असं म्हणण्यात आलंय की, 'मतमोजणीवेळी वायकर यांचे कुटुंबीय मतदान केंद्रात उपस्थित होते. काही काळ मतमोजणी थांबली होती. मतमोजणी डिस्प्ले होणं बंद झालं होतं. मोबाईल फोनला बंदी असताना मतदान केंद्रामध्ये वायकर कुटुंबियांकडून तो वापरण्यात आला.'
दरम्यान, वायव्य मुंबई मतदारसंघामध्ये मुख्य लढत ठाकरे गटाचे अमोल कीर्तिकर विरुद्ध शिंदे गटाचे रवींद्र वायकर यांच्यामध्ये झाली. त्यांच्यातील ही लढत अत्यंत चुरशीची होती असंच म्हणावं लागेल कारण वायकर यांचा विजय अवघ्या ४८ मतांनी झाला आहे. सुरुवातीला अमोल कीर्तिकर यांचा २ हजार मतांनी विजय झाल्याचं जाहीर करण्यात आलं होतं. पण, त्यानंतर वायकर यांनी फेरमोजणीची मागणी केली. त्यात वायकर यांचा ४८ मतांनी विजय झाला.
अमोल कीर्तिकर यांनी वायकर यांच्या विजयाला निवडणूक आयोगात आव्हान देण्याचे ठरवले आहे. त्यातच आता दोन अपक्ष उमेदवारांनी वायकर यांच्या विजयाबाबत शंका उपस्थित केली आहे. त्यामुळे या प्रकरणी पुढे काय होतं हे पाहणं महत्त्वाचं ठरणार आहे.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
