Mumbai: दक्षिण मुंबईतील शिवडी हा शिवसेना ठाकरे गटाचा बालेकिल्ला समजला जातो. या वेळी शिवसेना ठाकरे गटाने पुन्हा एकदा विद्यमान आमदार अजय चौधरी यांच्यावर विश्वास दाखवला आहे, तर मनसेने माजी राज्यमंत्री बाळा नांदगावकर यांना मैदानात उतरवले आहे, मात्र काही दिवसांपूर्वीच भाजपने मनसेला पाठिंबा दिल्याने मनसेचे पारडे काहीसे जड झाले आहे.
ठाकरे गटाचे अजय चौधरी, मनसेकडून बाळा नांदगावकर मैदानात उतरले आहेत. महायुतीकडून नाना अंबोले यांना भाजपमधून शिवसेना शिंदे गटात घेऊन उमेदवारी देण्यात आली होती, मात्र ऐनवेळी महायुतीमधील भाजपने मनसेच्या बाळा नांदगावकर यांना पाठिंबा दिला. त्‍यामुळे शेवटी नाना अंबोले यांच्यावर अपक्ष निवडणूक लढवण्याची पाळी आली आहे. असे असले तरी ही भाजपचीच खेळी असल्याचे राजकीय जाणकारांचे म्हणणे आहे.
