Ashadi Ekadashi : उद्धव ठाकरेंना मुख्यमंत्री करण्यासाठी विठ्ठलाकडे साकडे, वाचा नक्की कुठे घडला प्रकार?

Ulhasnagar: आषाढी एकादशी निमित्ताने गेल्या 18 वर्षांपासून पालखी दिंडीची परंपरा कायम ठेवणाऱ्या उल्हासनगरातील शिवसेना(उध्दव बाळासाहेब ठाकरे)पक्षाच्या वतीने उध्दव ठाकरे हेच पुन्हा मुख्यमंत्री होण्यासाठी शहाड बिर्ला मंदिरातील विठ्ठलाकडे साकडे घातले.

ज्या भाविकांना विठ्ठलाच्या दर्शनासाठी पंढरपूरला जाणे शक्य होत नाही अशा भाविकांकरिता गेल्या 18 वर्षांपासून मराठा सेक्शन मध्यवर्ती शिवसेना शाखा आणि संतोषनगर शिवसेना शाखेच्या वतीने पालखी दिंडीचे आयोजन करण्यात येत असते.

यावर्षी टाळ मृदुंग,पारंपरिक वेशभूषा आणि विठ्ठल नामाच्या गजरात माजी नगरसेवक,नगरसेविका,पदाधिकारी व शेकडो भाविकांच्या सहभागाने अनेक किलोमीटर अंतरावर असलेल्या शहाड मधील बिर्ला मंदिरात दिंडी पालखीचे समापन करण्यात आले.यात बच्चेकंपनीचा सहभाग लक्षणीय होता.

याप्रसंगी विठ्ठलाची पूजा करताना जिल्हाप्रमुख धनंजय बोडारे यांनी उध्दव ठाकरे हेच पुन्हा मुख्यमंत्री होण्यासाठी विठ्ठलाकडे साकडे घातले.