ठाणे- ठाकरे गटाचे प्रमुख उद्धव ठाकरे यांची आज ठाण्यामध्ये सभा होणार आहे. एकनाथ शिंदे यांच्या बालेकिल्ल्यात सभा होणार असल्याने त्याचे पडसाद देखील उमटताना दिसत आहेत. ठाण्यात काही ठिकाणी ठाकरे गटाला डिवचणारे बॅनर्स लावण्यात आले आहेत. त्यामुळे ठाकरे गट आक्रमक होण्याची शक्यता आहे.
बॅनर्स भर रस्त्यात लावून ठाकरेंवर बोचरा वार करण्यात आला आहे. "घालीन लोटांगण वंदीन चरण" अशा आशयाचे बॅनर्स लावण्यात आले आहेत. सोनिया गांधी,राहुल गांधी,शरद पवार यांच्या समोर उद्धव ठाकरे गुडघे टेकून असलेले व्यंगचित्राच्या माध्यमातून दाखवण्यात आले आहे. उद्धव ठाकरे यांच्या मागे संजय राऊत आणि आदित्य ठाकरे देखील उभे असलेले दाखवण्यात आले आहे
