![Mumbai News crime](http://media.assettype.com/esakal%2F2024-05%2F9131f736-8325-4139-92e8-0230592d8b21%2Frajan_vichare___2024_04_20T095127_245.jpg?w=480&auto=format%2Ccompress&fit=max)
डोंबिवली - एका 14 वर्षीय अल्पवयीन मुलीचे अपहरण करुन तिला ढाब्यावर नेण्यात आले. तेथे तिला बिअर पाजल्यानंतर निर्जनस्थळी नेऊन तिच्यावर लैगिंक अत्याचार केल्याची घटना कल्याण पूर्वत उघडकीस आली आहे. याप्रकरणी पिडीत मुलीच्या आईने कोळसेवाडी पोलिस ठाण्यात तक्रार दाखल केली आहे. दाखल तक्रारीनुसार आशिष पांडे व त्याचा साथीदार अभिषेक डेरे यांच्यावर पोक्सो अंतर्गत गुन्हा दाखल करण्यात आला आहे. पोलिसांनी या प्रकरणाचा तपास सुरु करत पांडे याला अटक केली आहे, तर डेरे हा फरार आहे.
कोळसेवाडी पोलिस ठाण्यात दाखल तक्रारीनुसार अल्पवयीन पिडीत मुलगी कल्याण पूर्वेत राहणारी असून त्याच परिसरात आशिष पांडे हा देखील रहातो. मुलीच्या वडीलांचा पांडे हा मित्र असल्याने मुलगी त्यास ओळखत होती. शाळेला सुट्टी असल्याने गुरुवारी दुपारी सदर मुलगी ही मैत्रिणीकडे दुपारी गेली होती. याच दरम्यान आशिष याने पिडीत मुलीला तुझ्या वडीलांनी तुला बोलावले आहे. असे सांगत तिला मैत्रिणीच्या घरातून बाहेर बोलाविले.
आपल्या दुचाकीवर तिला बसविले. यानंतर मित्र अभिषेक डेरे याला देखील त्याने सोबत घेतले. तिघे ही नांदिवली भागातील एका ढाब्यावर गेले. तेथे आशिषने जबरदस्तीने पीडित मुलीला बिअर पाजली. बिअर प्यायली नाही तर तुझ्या कुटूंबियांना ठार मारण्याची धमकी आशिषने मुलीला दिली. मुलीला जबरदस्ती बिअर पाजण्यात आली. त्यामुळे पुढे काय झाले तिला समजले नाही. आशिषने नंतर तिला एका निर्जन स्थळी असलेल्या इमारतीत नेत तिच्यावर लैगिंक अत्याचार केला.
दुपारी घराबाहेर गेलेली मुलगी संध्याकाळ झाली तरी घरी आली नाही म्हणून पालकांनी तिचा शोध सुरू केला. तिच्या मैत्रिणीला विचारणा करण्यात आली. त्यावेळी तिने ती आशीष याच्या सोबत गेली असल्याचे समजले. त्यानंतर रात्रीच्या वेळेत पीडित ती राहत असलेल्या घराच्या परिसरात गुंगीत असल्याचे कुटुंबीयांना दिसले.
दुसऱ्या दिवशी तिला विश्वासात घेऊन पालकांनी तिला घडल्या प्रकाराविषयी विचारले. त्यावेळी आशीष पांडे आपले अपहरण करून आपणास जबरदस्तीने बिअर पाजल्यावर लैंगिक अत्याचार केला आहे, असे तिने कुटुंबीयांना सांगितले. या प्रकाराने हादरलेल्या पालकांनी तातडीने कोळसेवाडी पोलीस ठाण्यात जाऊन आशीष पांडे, अभिषेक डेरे यांच्या विरुद्ध तक्रार दाखल केली. दाखल तक्रारीनुसार पोलिसांनी पोक्सो अंतर्गत गुन्हा दाखल करत तपास सुरु केला. आशिष याला तात्काळ अटक करण्यात आली आहे. तर डेरे हा अद्याप फरार आहे.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.