मुंबई : शिवतीर्थावर सध्या खुद्दारांचा मेळावा सुरु आहे तर बीकेवर कचरा मेळावा सुरु आहे, अशा कठोर शब्दांत शिवसेनेचे आमदार भास्कर जाधव यांनी शिंदे गटावर सडकून टीका केली आहे. शिवाजी पार्क मैदानावर आज उद्धव ठाकरे यांचा दसरा मेळावा सुरु आहे.
भास्कर जाधव म्हणाले, शिवसेनाप्रमुखांनी आपल्या उतारवयात आमच्यासमोर वचन घेतलं आम्हाला विनंती केली की, माझं आता वय झालय तुम्ही माझ्या उद्धवला आणि आदित्यला सांभाळा. पण त्याच उद्धवना आम्ही गादीवरुन खाली खेचलं.
अरे ती माय माऊली तळमळली तिच्या आत्म्याला पिळ पडला आणि तरीसुद्धा त्यांनी सांगितलं की जा आज या सत्तेला तुम्ही काय नाव दिली. त्या मायमाऊलीला तुम्ही सांगितलं की आमची शिंदेशाही आहे. पण ती माय माऊली हळूच म्हणाली ही शिंदेशाही नाही मोगलशाही आहे, अशा शब्दांत शिंदे गटावर त्यांनी निशाणा साधला.
पत्रकार मला कालपासून विचारत होते. दसरा मेळावे दोन आहेत पण मी म्हणालो की दसरा मेळावा तर शिवतीर्थावर आहे तर बीकेसीतला कचरा मेळावा आहे. खुद्दारांचा मेळावा इथं होतोय तिथं तर गद्दारांचा मेळावा होतोय. स्वतःची चटणी भाकरी खाऊन लोक इथं आलेत. उद्धव ठाकरेंना पाठींबा द्याला आलेत तर तिकडे पन्नास खोकेवाले आलेत.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
