राज्यात आंदोलन चिघळलं असताना सायन रुग्णालयात एसटी कर्मचाऱ्याचा मृत्यू

मुंबई : सायन रुग्णालयामध्ये (Sion Hospital Mumbai) एका एसटी कर्मचाऱ्याचा मृत्यू झाल्याचं समजतंय. महेश लोले (Mahesh Lole) असं या एसटी कर्मचाऱ्याचं नाव असून लोले हे एसटी कंडक्टर म्हणून कार्यरत होते.

साम वृत्तवाहिनीनं याबाबतचं वृत्त दिलंय. 'साम'च्या वृत्तानुसार, परळ एसटी डेपोजवळ महेश लोले हे मृत अवस्थेत आढळून आले होते. राज्यात एसटी कामगारांचा संप गेल्या ४ महिन्यापासून सुरूय. मात्र, शुक्रवारी एसटी कर्मचाऱ्यांचा संप (ST Workers Strike Maharashtra) चिघळला. एसटी कर्मचाऱ्यांनी काल शरद पवार (Sharad Pawar) यांच्या घराबाहेर आंदोलन केलं. अचानक झालेल्या या आंदोलनामुळं एकच खळबळ उडाली होती. दरम्यान, लोले यांचा आंदोलकांशी संबंध आहे की, नाही हे अद्याप स्पष्ट झालेलं नाहीय. याबाबतचा तपास पोलिस यंत्रणा करत आहे.