मुंबई : राज्यातील वेगवेगळ्या जिल्ह्यांमध्ये अडकलेल्या नागरिकांना घरी मोफत पोहोचवण्यासाठी एसटी महामंडळाच्या सुमारे 10 हजार बसगाड्या सज्ज आहेत. या योजनेची अंमलबजावणी गुरुवारपासून (ता. 7) करण्यात येणार आहे.
हा संपूर्ण खर्च मदत व पुनर्वसन विभागाद्वारे करणार असल्याची घोषणा मंत्री विजय वडेट्टीवार यांनी केली. त्यासाठी सुमारे 20 कोटी रुपयांचे अंदाजपत्रक असून, गरज भासल्यास राज्य सरकार त्यापेक्षा जास्त खर्च करेल, असे त्यांनी सांगितले.
लॉकडाऊनमुळे राज्यातील अनेक जिल्ह्यांमध्ये मोठ्या प्रमाणात नागरिक अडकून पडले आहेत. त्यांना घरी पोहोचवण्यासाठी मदत व पुनर्वसन विभागाला परिवहन मंत्री अनिल परब यांनी परवानगी दिली आहे. या मोफत सेवेसाठी मदत व पुनर्वसन विभागाकडून महाराष्ट्र राज्य मार्ग परिवहन (एसटी) महामंडळाला सुमारे 20 कोटींचा निधी दिला जाईल. त्यामुळे मुंबई, पुणे व अन्य जिल्ह्यांत अडकलेले विद्यार्थी, कामगार, नागरिकांना चार ते पाच दिवसांत त्यांच्या जिल्ह्यांत सोडले जाईल, असे वडेट्टीवार यांनी सांगितले.
ST will provide free service to the citizens who want to go to the village
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.