मुंबई : तीन महिन्यांच्या गर्भवती महिलेला (Pregnant woman) काम करण्यापासून रोखणारी आणि तिला कामासाठी सक्षम नसल्याचे जाहीर करणारी नवी नियमावली (New rules) स्टेट बँक ऑफ इंडियाने (SBI) नुकतीच जाहीर केली होती. मात्र, महिलांसह सर्वच स्तरांतून झालेल्या बऱ्याच विरोधानंतर एसबीआयला हा आदेश मागे घ्यावा लागला आहे.
एसबीआयने डिसेंबरमध्ये जाहीर केलेल्या नियमांनुसार तीन महिन्यांच्या गर्भवती महिलेला नियुक्तीबाबत असक्षम ठरवले होते. बँकेने म्हटले होते की, अशा महिला प्रसूतीच्या चार महिन्यांनंतर कामावर रुजू होऊ शकतील. बँकेच्या या नियमावलीविरोधात कामगार संघटना, महिला आयोग व सर्वच स्तरावरून कठोर शब्दांत टीका केली जात होती. सर्व स्तरावरून होणाऱ्या टीकेनंतर एसबीआयने शनिवारी हा वादग्रस्त आदेश थंडबस्त्यात गुंडाळला आहे. एसबीआयने स्पष्ट केले की, सर्वांच्या भावना लक्षात घेता आम्ही गर्भवती महिलांच्या नियुक्तीबाबतची नियमावली मागे घेत आहोत आणि यापुढे जुने नियमच कायम राहतील.
बँक कर्मचाऱ्यांमध्ये २५ टक्के महिला
एसबीआयने पुढे सांगितले की, ते आपल्या महिला कर्मचाऱ्यांच्या देखभालीसाठी आणि त्यांच्या सशक्तिकरणासाठी कायम सक्रिय राहिले आहेत. बँकेच्या एकूण कर्मचाऱ्यांपैकी महिला कर्मचाऱ्यांची संख्या २५ टक्के झालेली आहे. बँकेने कोविडकाळ सुरू झाल्यापासून सरकारच्या मार्गदर्शक सूचनानुसार गर्भवती महिला कर्मचाऱ्यांना वर्क फ्रॉम होमची परवानगीही दिली होती.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
