मुंबई : क्रूझवरील अमलीपदार्थ प्रकरणात आरोपी असलेल्या आर्यन खानसह तीन जणांच्या जामीन अर्जावरील युक्तिवाद बुधवारी पूर्ण झाला. ‘एनसीबी’ उद्या युक्तिवाद करणार आहे. आर्यन, अरबाज मर्चंट आणि मुनमून धमेचा यांच्यावर कठोर शर्ती घाला; पण त्यांना जामीन मंजूर करा, अशी विनवणी तिघांच्यावतीने केली आली.
ड्रगपुरवठ्याचे कटकारस्थान तिघांनी केले नसून ‘एनसीबी’ बेकायदा आरोप करत आहे, असा युक्तिवाद वकील अमित देसाई यांनी न्या नितीन सांब्रे यांच्या पुढे केला. अटक करताना तपास अधिकाऱ्यांना सबळ पुरावा द्यायला हवा, असे विधिज्ञ मुकुल रोहतगी यांनी सांगितले. व्हॉट्सॲप चॅट व क्रूझ प्रकरण यांचा संबंध नाही, यासंदर्भात कोणताही मेसेज व्हॉट्सॲपमध्ये नाही व फोन कॉलमध्येही नाही. मग त्यांनी हे कारस्थान आखले, असा दावा करता येत नाही व त्या आधारावर एवढे दिवस कारागृहात ठेवता येत नाही, असा युक्तिवाद देसाई यांनी केला.
आजचा दिवस महत्त्वाचा
‘एनसीबी’च्या वतीने अतिरिक्त सॉलिसिटर जनरल अनिल सिंह हे गुरुवारी (ता. २८) बाजू मांडणार आहेत. उद्याची (ता. २८) सुनावणी महत्त्वाची असून जर वेळेत युक्तिवाद पूर्ण झाला तर निकाल येण्याची शक्यता आहे. अन्यथा शुक्रवारी (ता. २९) यावर निर्णय लागू शकतो.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
