Mumbai Police Latest Update: रासायनिक अमली पदार्थांमध्ये सर्वात घातक मानल्या जाणाऱ्या मेफड्रॉनच्या(एमडी) तस्करीतील मुख्य आरोपी सुफियान खान याला केंद्रीय अमलीपदार्थ विरोधी पथकाने(एनसीबी) सोमवारी वाशीतील एका हॉटेलमधून अटक केली.
मुंबई आणि महानगर प्रदेशात एमडी तस्करी व विक्रीत खान याची संघटित टोळी आघाडीवर होती, अशी माहिती एनसीबी अधिकाऱ्याने दिली. खान याच्या चौकशीतून एमडी उत्पादक, तस्कर, विक्रेत्यांच्या साखळीबाबत महत्वपूर्ण माहिती हाती येऊ शकेल, असा अंदाज एनसीबी अधिकारी व्यक्त करत आहेत.
या टोळीबाबत माहिती गोळा करून एनसीबी पथकाने २६ जूनला नागपाडा, दोन टाकी, शिवडी परिसरात छापे घातले होते. त्या कारवाईत मुशर्रफ जान मोहंमद कपाडिया, नौशिन खान, सैफ खान या तिघांना अटक केली. या तिघांच्या ताब्यातून सुमारे ३१ किलो एमडी जप्त करण्यात आले होते.
या तिघांच्या चौकशीतून सुफीयान याचे नाव पुढे आले. मात्र ही कारवाई झाल्यानंतर तो पसार झाला. वरचेवर मोबाईल नंबर आणि ठाव ठिकाणा बदलणारा सुफियान वाशी येथील एका लॉजमध्ये दडून बसल्याची माहिती पथकाला मिळाली होती.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
