सबस्क्राईब करा
मुंबई : दसरा सणाच्या खरेदीसाठी शेवटचा रविवार असल्याने मोठ्या संख्येने मुंबईकर घऱाबाहेर पडले होते. मात्र, तिन्ही मार्गावर मेगाब्लॉकमुळे लोकल गर्दीच्या सामना करावा लागला आहे. विशेष म्हणजे मध्य रेल्वेच्या मुख्य, हार्बर आणि पश्चिम रेल्वे मार्गावर मेगाब्लॉक घेतल्यामुळे सुट्टीच्या दिवशी प्रवाशांचे प्रचंड हाल झाले आहेत.
उपनगरी रेल्वे मार्गावरील रुळांची दुरुस्ती तसेच सिग्नल यंत्रणेत काही तांत्रिक कामे करण्यासाठी ठाणे ते कल्याण दरम्यान पाचव्या सहाव्या मार्गिकेवर रात्रकालीन ब्लॉक घेतला होता. मात्र, रविवारी दिवसा रविवार वेळापत्रकानुसारनलोकल सेवा चालविण्यात आलेल्याने प्रवाशांना लोकल गर्दीचा सामना करावा लागला आहे.
तर हार्बर मार्गावर मानखुर्द ते नेरुळ दरम्यान अप आणि डाउन दोन्ही मार्गावर ब्लॉक असल्यामुळे मानखुर्द ते नेरुळ दरम्यानची लोकल वाहतुक पुर्णपणे बंद होती. परिणामी वाशी ते पनवेल दरम्यानच्या प्रवाशांना रस्ते मार्गाने मानखुर्द स्थानकापर्यतचा प्रवास करावा लागत होता. त्यातही मानखुर्द स्थानकातून सीएसएमटीकरिता दर ३० ते ४५ मिनिटाने एक लोकल चालविण्यात येत असल्याने हार्बर वासियांना गर्दीतून प्रवास करावा लागला.
तर पश्चिम रेल्वे मार्गावर गोरेगांव ते बोरिवली अप- डाऊन जलद मार्गावर ब्लॉक असल्याने जलद मार्गावरील लोकल सेवा धीम्या मार्गावर वळविण्यात आलेल्या होत्या. तसेच मरिनलाइन्स स्थानकांवर ऐन सकाळी चर्चगेट-बोरिवली लोकलच्या अपघात झाल्याने प्रवाशांच्या सुट्टीच्या दिवशी खोळंबा झाला आहेत.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.