मुंबई - पनीरऐवजी चीज वापर करण्यात येत असल्याचे उघडकीस आल्यानंतर मुंबईतील मॅकडोनाल्ड विरोधात गुन्हा दाखल करण्याची मागणी ऑल फूड ॲण्ड लायसन्स होल्डर फाऊंडेशनने मुंबई पोलिस आयुक्तांना पत्रातून केली आहे. पोलिसा व्यतिरिक्त राज्याच्या वैद्यकीय शिक्षण विभाग, वैद्यकीय शिक्षण व संशोधन संचालनालयालादेखील पत्र संस्थेने पाठविलं आहे.
अन्नामध्ये भेसळ करणे, ग्राहकांची फसवणूक करणे व विश्वासार्हतेचे उल्लंघन करणे हा कायद्यानुसार गुन्हा आहे. त्यामुळे मॅकडोनाल्डविरोधात फौजदारी कारवाई करून गुन्हा दाखल करावा. तसेच मॅकडोनाल्डच्या सर्व उपहारगृहांची सखोल तपासणी करण्यात यावी, अशी मागणी संस्थेचे अध्यक्ष अभय पांडे यांनी पत्रात केली आहे. यापूर्वी 13 उपहारगृहांसह फास्टफूडची विक्री करणाऱ्या अन्य नामांकित 17 उपहारगृहांना अन्न व औषध प्रशासनाने नोटीस पाठविली आहे.
मॅकडोनाल्ड ही जागतिक स्तरावरील फास्ट-फूड खाद्यपदार्थांच्या उपहारगृहाची साखळी असलेली प्रसिद्ध कंपनी आहे. जेथे लाखो ग्राहक दररोज मॅकडोनाल्डमध्ये खाद्यपदार्थ खाण्यासाठी गर्दी करतात. मॅकडोनाल्डमध्ये पनीरऐवजी चीज ॲनालॉगचा वापर करून ग्राहकांची फसवणूक करण्यात आल्याचा प्रकार अलीकडेच उघडकीस आला आहे.
या प्रकरणाची दखल घेत अन्न व औषध प्रशासनाने मुंबईसह राज्यातील मॅकडोनाल्डच्या उपहारगृहांची तपासणी केली. या तपासणीनंतर मुंबईतील 13 उपहारगृहांमध्ये सुधारणा करण्याची नोटीस बजावण्यात आली. दरम्यान, मॅकडोनाल्डमध्ये ग्राहकांची फसवणूक होत असल्याने त्यांच्याविरोधात फौजदारी कारवाई करून गुन्हा दाखल करावा, अशी मागणी पत्रात केली आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.