भिवंडीतील भंगार गोदामांना भीषण आग, धुराचे मोठे लोट

भिवंडी : भिवंडी तालुक्यातील काल्हेर ग्रामपंचायत हद्दीमधील राजलक्ष्मी कॉम्प्लेक्स येथील भंगारचे सामानाची साठवणूक केलेल्या दुकानांच्या पत्राशेड गोदामाच्या गाळ्यांना सोमवारी दुपारी 3 वाजता भीषण आग लागली. त्यामुळे परिसरात राहणाऱ्या ग्रामस्थांनी तातडीने घटनास्थळी धाव घेऊन पोलीस व अग्निशमन दलाच्या जवानांना आगीच्या घटनेची माहिती देताच जवानांनी घटनास्थळी धाव घेतली. या आगीवर सहा तासात नियंत्रण मिळविण्यात यश आहे.

नक्की वाचा : ट्रेन्सचं ऑनलाईन बुकिंग आजपासून होणार सुरु, कसं कराल ऑनलाईन बुकिंग? जाणून घ्या 

पुर्णा व काल्हेर गाव येथील राजलक्ष्मी कॉम्प्लेक्स येथे भंगाराची साठवणूक केलेल्या बंद असलेल्या पत्राशेडच्या दुकानास सोमवारी दुपारी आग लागली या आगीत सुमारे 40 ते 45 दुकान गाळे जळून खाक झाले आहेत. या भंगार गोदामांमध्ये मोठ्या प्रमाणात प्लास्टिक वस्तू, कागदी पुठ्ठा, टीव्ही, फ्रीज, कुलरचा टाकाऊ मटेरियल तसेच केमिकलचा साठा देखील साठवून ठेवण्यात आला होता.

मोठी बातमी : रायगड एक्‍स्प्रेस सुधीर तांडेल यांचे निधन 

आग विझविण्यासाठी भिवंडी, कल्याण आणि ठाणे येथील अग्निशमन दलाच्या तीन गाड्या घटनास्थळी दाखल झाल्या असून आगीवर नियंत्रण मिळविण्यात यश आले आहे.

Terrible fire to the scrap godowns in Bhiwandi, read full story