Thane Crime: राबोडीत पोलिसांची संशयित घरावर छापेमारी; आरोपीसह ६.४१ लाखाचा गुटखा जप्त!

Thane News: राबोडी पोलीस पथकाला मिळालेल्या विश्वसनीय माहितीच्या आधारे पोलिसांनी खातरजमा करीत सोमवारी(५ ऑगस्ट) रोजी मध्यरात्रीनंतर केल्यानंतर पोलीस पथकाने आरोपी आसिफ जफर शेख (३४) याला ताब्यात घेऊन घरातील विविध प्रकारच्या गुटखा असा ६ लाख ४१ हजार ६६० रुपयांचा प्रतिबंधित गुटखा हस्तगत केला. राबोडी पोलिसांनी प्रतिबंधित गुटखा साठा बाळगल्या प्रकरणी गुन्हा दाखल केला.

ठाण्याच्या राबोडी पोलीस ठाण्याच्या हद्दीत असलेल्या नाजमिया अपार्टमेंट, रूम नं.१,क्रांतीनगर गल्ली, राबोडी, ठाणे पश्चिम येथे छापा टाकला असता, सदर ठिकाणी आरोपी आसिफ जफर शेख(३४) याच्या घरात प्रतिबंधित गुटख्याचा साठा असल्याची खात्रीलायक माहिती राबोडी पोलिसांना मिळाली होती.

खातरजमा करून राबोडी पोलिसांनी सोमवारी मध्यरात्रीनंतर त्वरित छापेमारी करीत आरोपी असिफ शेख याच्या घराच्या झडतीत तंबाखुजन्य पदार्थ सिग्नेचर फाईनेस्ट पानमसाला, प्रिमीयम राजश्री पान मसाला, राजनिवास सुगंधित पानमसाला, राज कोल्हापुरी, बाजीराव सुंगधित पानमसाला, मुसाफिर पानमसाला, प्रिमीयम जेड-एल जाफरानी जर्दा असा ६ लाख ४१ ६६० साठा शासनाणे प्रतिबंधित केलेला आढळला. पोलिसांनी असिफ शेख याच्यावर गुन्हा दाखल करून अटक केली.